Yawuupullulla 13:3 - Mawu a Mulluku

³ Mmodda wa miru dda enama yuullupalli yawoopiheeyo wooneya wonanko waakhalla ni nikhwata nookhwana koma nikhwatanno naavolla. Nave athu attheene a va ellapo yavatthi moottikhina yaathwara enama yuullupalli yawoopiheeyo.

Yawuupullulla 13:3 Iomraidhean Croise

Ezekiele 30:24

Kineerollipiha matta a mwene a o Babulo nave kineerohiya m'mattani mwaye nsupada naka. Koma Farao kineeromwinttaka matta nave aneerewiipullella wonanko oophoriihiwa variyari va mwene a o Babulo.

Luka 2:1

Mallapo yaayo Kaisara* Augusto, mwene a o Roma, aalamulella wi mu ellapwaaye ettheene athu elembiwe.

Yohane 12:19

Vano Afarisi* yaallota mmodda ni mukhwaaye wi, “Munnoona wi noolephela vano! Ngoonani, ellapo yavatthi ettheene enamuthwara olliye.”

Mitteko 8:13

Simoni nayeenettho aakhulupilila nave abatiziweeye, aamuthwara Filipooyo nave aattikhina oonilleeye ezizindikiro ni ddoottikhiniha dduullupalli ddeeriwannddo.

Yawuupullulla 13:12

Yaaphariha mutteko olamulello muullupalli yavahiwiiwa ni enama yuullupalli yawoopiha yawaambeelle. Yaawatihera ellapo yavatthi ettheene vamodda ni athu attheene ookhalla mwemmo wi ellapelle enama yuullupalli yawoopiha yawaamba, nikhwata niwa nookhwana navonllenne.

Yawuupullulla 13:14

Yahaalleka athu attheene a va ellapo yavatthi ni ddoottikhiniha yaakhullelliwiiwa weera vamiitthoni va enama yuullupalli yawoopiha yawaambeelle. Yaanaalleellattho athu a va ellapo yavatthi wi eseme nifano nootitimiha enama yuullupalli yawoopiha yakakathiwe ni nsupada koma ekhalla ni okumeelle.

Yawuupullulla 17:10

Mamwene matthanu yaakhwa khalle, mmodda annalamulellave nave mmoddooyo khanawe. Awa yooyo anaphwanella wi alamulelle wa enthawi yooyeva.

Yawuupullulla 17:11

Nave enama yuullupalli yawoopiheeyo yaari ni okumi koma vano khennattho okumi, tti mwene aneetthanu ni aneeraru oyo arittho mmodda a mamwene matthanu ni meelli nave anaya wawiiphiwa.

Yawuupullulla 17:13

Mamwene mattheenaalla eneerewiiwanana wi evelleelle masiviiwa vamodda ni olamulellwiiwa wa enama yuullupaalli yawoopiha.

Yawuupullulla 17:17

Vawi Mulluku ohaavaha mamwenaalla murima woopaalla weera yoolingaaye vawiiwananani ovelleella masiviiwa ni olamulellwiiwa wa enama yuullupalli yawoopiha ophiyera mawaaye ekwakhwanihiwe.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.