Biblia Todo Logo
Bìoball air-loidhne

- Sanasan -




Yawuupullulla 10:3 - Mawu a Mulluku

3 Nave aakhuwa ni mawu oowella ayo yiiweyille wonanko winlla wa mikango. Akhuwalle ddiiddo ogugudeya wa murimu waanyakulla otthanu ni opiilli.

Faic an caibideil Dèan lethbhreac




Yawuupullulla 10:3
16 Iomraidhean Croise  

Mawu a Apwiya enniiweya vaddullu va enyanja, Mulluku ootitimiheya annagugudeya wonanko murimu, mawaaye enniiweya va enyanja yoowallamella.


Osha murima wa mwene tti wonanko othuruma wa mukango koma oreera murima waye tti wonanko nikame vamanasini.


Apwiya yaakilleella wi, “Wonanko mukango apaalle musote wa mukango onathurumelliiwa waphara enama, mwawi abusa khewora owiikariha naari ewoopopihe apaalle ekhuwe mwawiidde, emoddamoddave yeeyo khayiivo enaavaanyihe Apwiya Amasiva Mattheene oteteza mwaango wa Ziyoni ni mwanamwaangwiiwa.


Apwiya enaya okhotoni wonanko amasiva, ennanyanyulla owalliiwa wonanko muthu akhoto Ennakhuwa, ennakhuwa mwakhoto, ennooniha masiviiwa vawaakhwaranyani adaniiwa.


Okhuwa wiwa tti wonanko othuruma wa mikango apaalle misote nnddo ddininlla mwawoopiha voopharani enama nave ddinarowana oohikhallavo naari mmodda awaakihera.


“Vano we Yeremiya, llotella mowaahumullulla wi, ‘Apwiya eneerothuruma oddullu, mawiiwa eneerewiiweya wonanko ogugudeya wa murimu woovenyera o nipuro niwa naweella. Apwiya eneerothuruma moowella waasimwella athwiiwa eneerokhuwa wunchichi wonanko athu oovota mpesa voollipanani ni athu attheene a va ellapo yavatthi.


Onyakulla wa muuphello a akerubi wahiiweya o nthato na otte wonanko mmo muniiweyella mawu a Mulluku Amasiva Mattheene aallotoka.


“Kineerewaathurumella wonanko mukango nave athwaaka eneerokithwara. Kineerothuruma nave eneerokithamakella etthukumellaka ovenyera woovollowa nndduwa.


Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.


Amosi aallota wi, “Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu. Munyepu onimanyaalla, manasi a vamwaangoni wa Karimele enimumma.”


Ethiyo mukango wathuruma ttaani ahinoova? Ethiyo Apwiya Mulluku yallota, ttaani ahinaallotelle?”


Nave kahiiwa mawu oovenyera oddullu awiiweya wonanko onyakulla wa maaddi manchichi navettho wonanko ogugudeya wawoopiha wa murimu. Ddahiiweya wonanko athu sika eniipa machipwiiwa ni magitala.


Kahoona oddullu echizindikiro yuullupalli ni yoottikhiniha ya angelo atthanu ni eelli owaaka millilli mitthanu ni miilli. Millilli ddenndda ddaari ddawooniha omalla wa osha murima wa Mulluku.


Nave emodda ya ddoophatusiwa ddookumi ddisese yahaavaha angelo atthanu ni eellaayo embale dda golide dditthanu ni piilli ddooddalla ni osha murima wa Mulluku, oyo anakhalla enthawi yoohimalla.


Nave o mpando woomwenooyo waanavenyera ettari, onyakulla ni ogugudeya wa murimu. Vahoollo va mpando wa omwenooyo vaakhalla mitthiko ddookhara mitthanu ni miilli nnddo ddiri minepa mitthanu ni miilli dda Mulluku.


Nave mungeloolle aakusa embale ya golideelle avallellamo munllo woovenyera va nikuwa nave ayivokhella va ellapo yavatthi. Nave vaakhalla ogugudeya wa murimu, onyakulla, ettari ni echivomerezi.


Lean sinn:

Sanasan


Sanasan