Yawuupullulla 1:5 - Mawu a Mulluku

⁵ ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Yawuupullulla 1:5 Iomraidhean Croise

Masalimo 51:2

Mukihapihe o ddoolakwa ddaka ddittheddene, mukeellihe o machimwaaka.

Masalimo 72:11

Mamwene mattheene eneeromukokhorella, mitundu ddittheddene dda athu ddineeromurumeyella.

Masalimo 89:27

Kineeromutthattusa mwanaka awaamba wi aakhwaranya mamwene mattheene a va ellapo yavatthi.

Miyambo 14:5

Mboni oororomelleya khanoottha koma mboni oolleka anallota ddawootthave.

Yesaya 55:4

Mudduwelle wi kaamutthoolla wi akhalle mbonaaka wa mitundu dda athu wi akhalle owahoollella ni owaalamulella athu anchichi.

Daniele 2:2

Sika mwene aawiithaniha awoombesa, amasenga, amakhanga ni oollotella ddamuhoollo wi emuttaphullelle nnddo allohilleeye. Alliwa yaavollowa yiimella vamiitthoni va mwene.

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Levitiko 13:58

Koma ellweeyo mwayichapa nave enguweeyo yatthulluwa, muchapettho wiilli nave enaakhalle yaweellihiwa.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Mateyu 20:28

wonanko mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 13:34

Nave kinuuwiherani lamulo nanaanweene wi mukondaneke mmodda ni mukhwaaye. Mukondaneke mmodda ni mukhwaaye wonanko mmo kinuukondelleemini.

Yohane 15:9

Kinnuukondani wonanko mmo Attiitthaaka enuukondelliiwani. Sika mukhalleke mu echikondaaka.

Yohane 18:37

Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”

Yohane 3:11

Kinimuulleella ddawoona wi, ninallota yeeyo ninadduwelleehu nave ninavelleella omboni dda yeeyo nonneehu koma nyuwaano khamunamukhulupilila ombonaahu.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Yohane 3:32

Annavelleella omboni dda eyo oonilleeye nave iiwalleeye koma khaavo muthu aakhullelle ombonaaye.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mitteko 26:23

wi Mesiya* aphwanella ohoosiwa nave wi akhalle awaamba ovenya wa ookhwa wi allalleye owala wa Ayuda ni athu ayo ehiri Ayuda.”

Aroma 3:25

Mulluku aanivaha yooyo wi ni nikhame naye akhalle ookhululukella machimo a athu oweella mu echikhulupililwiiwa mwa olliyooyo. Mulluku aheera yeella wi oonihe wi olliye tti oolungama. Khalle aanalleva nave ahaahiyerera athu oochimwa koma mallapo yaalla khanalleva machimwiiwa wi oonihe wi olliye tti oolungama. Mu ettilla yeella Mulluku annooniha wi olliye yeekhaaye tti oolungama voomulungamihani arive muthu oyo anamukhulupilila Yesu.

Aroma 8:37

Koma mu ddeko ddittheddenenndda ninnapambana wunchichi oweella mwa olliyooyo ananikonda hiyaano!

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

Aefeso 2:4

Koma echifundo ya Mulluku tti yawaata nave echikondaaye va hiyaano tti yuullupalli,

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Deuteronomo 18:2

Ehikhalleke ni yoohallana wonanko malloko ddimodda vawi Apwiya sika yoohallaniiwa moollikana ni mmo yaalonjezelliiwa.

Deuteronomo 23:5

Koma Apwiya Mullukwaanyu kheyaamwiiwellelle Balamu nave matembelelwaayo yahaatthattusa madaliso ekaamba ya wuukondani.

Deuteronomo 7:8

Koma tti ekaamba yawi Apwiya yahuukondani nave ennasunga lonjezo yallupenlliiwa ni makhollwaanyu. Sika yaawoopollani ni masiviiwa muullupalli vawuukhumihani mu okaporo wa Farao, mwene a o Iguputo.

Akolose 1:18

Olliye tti muru wa mpingo oyo ori mwiillaaye. Olliye tti maambeellello a erive ello, awaamba a oovenya wa ookhwa wi akhalle muullupalli mu ddeko ddittheddene.

1 Timoteo 6:13

Navesttho vamiitthoni va Mulluku oyo anavaha okumi ddeko ddittheddene ni Khrisitu Yesu oyo aakhullenlle echikhulupililwaaye vamiitthoni va Pontio Pilato.

1 Timoteo 6:15

Mulluku yooyove ari ooriiheya ni olamulella, Mwene a mamwene ni Apwiya a apwiya, aamooniha va enthawi yoophwanellella.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

Aheberi 9:14

Koma Khrisitu khaarina machimo nave ahiiheraatthi yeekhaaye wonanko mukutho mwa Munepa woohimalla. Ella sika ekaambiiwa nikhame naye niriiwa ni masiva manchichi oorukunusa murimaahu woochimwa okhalla waphaama wi niheereke ddeko nnddo ddinaanihoollelle wookhwa koma wi niwore omurumeyella Mulluku Ookumi.

1 Petro 1:19

Koma mwahoopolliwa ni nikhame noowallamella na Khrisitu oyo aari wonanko mwaanaankhosa oohikhalla ni nipamba naari oohirakalla.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

1 Yohane 4:10

Ella sika echikondi! Ohiri wi naamukonda Mulluku koma wi olliye sika anikondille hiyaano nave aamurumiha Mwanaye wi machimwaahu ekhululukiwe mwa olliyooyo.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

Yawuupullulla 3:14

“Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.