Yakobo 5:2 - Mawu a Mulluku

² Eyuumeenyu yohunta nave ddoowara ddanyu ddoochiwa ni enjenjete.

Yakobo 5:2 Iomraidhean Croise

Yobu 13:28

Muthu anamalla wonanko ello yawunta, wonanko yoowara yoottakhuniwa ni enjenjete.

Masalimo 39:11

Munnamullaka muthu voomuhumullullani ekaamba ya machimwaaye, munnoononga nnddo anaddikondeeye wonanko enjenjete. Ddawoona, arive muthu tti mpweyave.

Yesaya 50:9

Apwiya Mulluku sika enakikavihera, ttaani anaakiphwanye ni mullatu? Ddawoona, attheene ookiipa mullatu eneerotthollowa, omalla wene wonanko ekuwo yoochiwa ni enjenjete.

Yesaya 51:8

Athu yaalla eneeromalla wonanko ekuwo yoochiwa ni enjenjete, wonanko nthoche noochiwa ni miingu. Koma ovullusa waka onaakhalle wa enthawi yoohimalla, woopolla waka wa enthawi ddittheddene.”

Yeremiya 17:11

Muthu oophwanya eyuuma mwawoottha ari wonanko ekhwalli yoopuramella mooche ehaarenlliiwa. Vihinallekelle eyuumeeyo ennammallella, voomallihella annatthattuwa ookarangeya.

Hoseya 5:12

Kineerowoononga Aefuremu wonanko mmo enjenjete ddinoonongelliiwa ddoowara, kinaakhalle wonanko nikhwata nawunta va athu a o Yuda.”

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Yakobo 2:2

Vawi muthu eeyuuma oowara emphete ya golide ni yoowara yooreera avollowa mootthukumanella mwanyu nave muthu oohoowa ni oowara matapwata avollowattho,

1 Petro 1:4

Sika vano ninatiyera waakhella madaliso ayo Mulluku anaasungelleeye athwaaye. Anuusungellani nyuwaano oddullu, wenko khenuunta apaalle woonongeya apaalle omalla.