Yakobo 5:1 - Mawu a Mulluku

¹ Vano nyu, athu eeyuuma, ngakiiwellelleni. Inllani moomoriha miitthori ekaamba ya ddoohoosa ddinaawe wa nyuwaano!

Yakobo 5:1 Iomraidhean Croise

Masalimo 17:14

Nyu Apwiya ni nnatta nanyu mukaakihere wa adani, wa athu ayo okumiiwa ori ni erive ello eyo enapaalliiwa. Mwaallake ni ddoohoosa nnddo mwaasungenlleenyu, aniiwa ekhallena ddinchichi, alliwattho yaahiyere aniiwa.

Miyambo 11:28

Oororomella eyuumaaye aneeromora koma athu oolungama eneerophuwa wonanko makukhu.

Miyambo 11:4

Eyuuma khenakavihera va nllapo na osha murima koma echilungamo sika enavullusa wuukhwaani.

Yesaya 13:6

Inllani mookhuwa vawi nllapo na Apwiya nohaatamella nave ninawa ni woononga woovenyera wa Amasiva Mattheene.

Yesaya 15:3

Athu a m'misewuni ewanre eziguduli, vaddullu va enyumba ni m'mathatoni arive muthu aninlla mookhuwa amorihaka miitthori.

Yeremiya 4:8

Sika warani eziguduli, mukhupanye ni winlla wunchichi, kaambiiwa owalli wawoopiha wa Apwiya khonavenyevo va Yuda.”

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Ezekiele 19:2

‘Amaayo yaari wonanko mukango waamutthiyana variyari va anankhoro a mikango. Waanakona variyari va anankhoro a mikango waallellaka aniiwa.

Ezekiele 30:2

“We mwaana a muthu, ollotelle nave ollalleye wi nnddo ddinallota Apwiya Mulluku tti ddawi nllapo nootulli noophiya!

Yowele 1:11

Nyu oollima, tathillani murima nyu oollima mpesa, inllani vawi tirigu ni barele ni ddittheddene ddam'matani ddoolepheleya.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yowele 1:5

Nyu oolezela, venyani mwinlle, nyu attheene oomuwirya vinyo, mwinlle mookhupanya ekaamba yawi vinyo oonang'aneya, oohiihiwa vayanoni vanyu.

Mika 6:12

Athu eeyuuma tti eechiwawa. Athu attheene tti awoottha ni oolleka.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.

Yakobo 1:11

Vawi nndduwa ninnakhuma ni oviha wiwa nave ninnuumiha ddoomella, malluwaaye ennamora navettho oreera wiwa onnamalla. Mwawi ddiiddattho muthu eeyuuma aneeronyaalla apharaka mutteko moohakallalla.

Yakobo 2:6

Koma nyuwaano munnamuvevulla muthu oohoowa. Ethiyo athu eeyuuma khehiyo ayo enuuhoosani, khehiyo ayo enuukusellani o nthato namillatu?

Yakobo 4:13

Vano ngakiiwelleni, nyu munallota wi, “Ollello apaalle osiisello nineeroya omuzindani mmodda namallewo muyakha nikullihaka malonda wi niphwanye makobiri manchichi.”

Yakobo 4:9

Khallani ni ethakaraka, inllani moomoriha miitthori. Ottheya wanyu otthattuwe winlla, ohakallalla wanyu otthattuwe okhupanya!