Yakobo 4:9 - Mawu a Mulluku

⁹ Khallani ni ethakaraka, inllani moomoriha miitthori. Ottheya wanyu otthattuwe winlla, ohakallalla wanyu otthattuwe okhupanya!

Yakobo 4:9 Iomraidhean Croise

Nehemiya 8:9

Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

Yobu 30:31

Gitalaaka ootthattuwa awinllella maliro, echitolilwaaka enahimaana ni awinlla.

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

Masalimo 119:67

Kihinaambe ollakeya kaanahollowa, koma vano kinniiwellella mawaanyu.

Masalimo 119:71

Tti waphaama wi kaallakiwa wi kihuddere malamulwaanyu.

Miyambo 14:13

Naari voottheyani murima onnoona ovoreya nave omalliha wiwa wa ohakallalla tti omoriwa ethakaraka.

Oollalleya 2:2

Kahoona wi ottheya tti anepa nave ohakallalla khonna mutteko.

Yeremiya 31:13

Anamwalli eneerewiina moohakallalla, asombwe ni awuulluvalleene eneerohakallalla. Winlla wiwa kineerowutthattusa ohakallalla, kineerewaahakallalliha ni waavutta miitthori ddiwa.

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Maliro 5:15

Ehakallallo yoopallalleya m'murimani mwahu, wiina wahu wootthattuwa winlla.

Ezekiele 16:63

Kuukhululukella ddoonanara ddawo ddittheddene nnddo weerilleewe, oneerodduupuwella nave khokhalla ni yoollota ekaamba ya owulliwa muru wawo. Mi Apwiya Mulluku koollota.”

Ezekiele 7:16

Oohalla ayo enaavulluwe, enaakhalleke m'miyaangoni nave aneerekewinlla wonanko ekhunda. Arive muthu eneerekewiipullella ekaamba ya machimwaaye.

Mateyu 21:41

Yahaakhulla wi, “Eneerowiipha mowaahoosa oollima oonanaraayo apolleyihe emateeyo wa athu amodda, ayo enaamukawelle ezipaso ddampesa ddaye va enthawi yoohata.”

Mateyu 5:4

Oodalisiwa tti ayo enoopa ekutho vawi Mulluku aneerewaallipiha murima!

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Luka 6:21

Oodalisiwa tti nyuwaano munavolliwa ettalla ollello, vawi muneerovona. Oodalisiwa tti nyuwaano muninlla ollello, vawi muneerottheya.

Luka 6:25

Ootulli tti nyuwaano murina yoocha ollello, vawi muneerovolliwa ettalla. Ootulli tti nyuwaano munattheya ollello, vawi muneerewinlla ekutho ni omora miitthori.