Yakobo 3:9 - Mawu a Mulluku

⁹ Ni nllumi ninnaathokozana Apwiya ayottho eri Attiitthiihu navettho ni nenno ninnaatembelelana athu ayo Mulluku aaphatusalleeye moophwanaphwana ni olliye.

Yakobo 3:9 Iomraidhean Croise

Genesis 5:1

Nna sika ntthopoollo ya edduullu dda Adamu. (Mulluku voomuphatusani muthu, amuphatusalle moophwanaphwana ni olliyooyo.

Genesis 9:6

Arive muthu oomwiipha muthu, nayeenettho aneerewiiphiwa ni muthu vawi muthu aphatusiwe moophwanaphwana ni Mulluku.”

2 Samuele 16:5

Mwene Davide aphiyalleeye o muzinda wa Bahurimu, waakhumellella muthu a munibanjani na Saulo, nnddina naye Shimei, mwaana a Gera, awa aruwanaka.

2 Samuele 19:21

Enthawi yeeyo Abishai mwaana a Zeruya aakoha wi, “Ethiyo Shimeyoolla khiiphiwa vawi aamuruwana oozoziwa* a Apwiya?”

1 Epilli 29:10

Vano Davide ahaatitimiha Apwiya vamiitthoni va mutthukumano muttheene nave aallota wi, “Nyu Apwiya Mulluku a Israele, nikhollo na Yakobo mutitimiheye wa enthawi yoohimalla”

1 Epilli 29:20

Nave Davide aallota wa mutthukumano muttheenoolle wi, “Atitimiheni Apwiya Mullukwaanyu.” Vano athu attheene yahaatitimiha Apwiya Mulluku a makhollwiiwa nave yaakokhora yaallapella Apwiya ni omuvaha olemu mwene.

Masalimo 10:7

Eyanwaaye ennatembelela, ennalleka nave ennoopopiha, muwano mwaye munnakhuma ddoohoosa ni ddoonanara.

Masalimo 108:1

Nyu Mulluku, murimaaka wookeraattheyesesa, kineerewiipa nchipo nawuutitimihani. We murimaaka venya!

Masalimo 145:1

Nyu Mullukwaaka, mwene, kineerewuutitimihani, kineeroriiha nnddina nanyu wa enthawi yoohimalla.

Masalimo 145:21

Vayanoni vaka vineerewaatitimiha Apwiya, ddookumi ddittheddene ddineeroriiha nnddina niwa naweella wa enthawi yoohimalla.

Masalimo 16:9

Sika murimaaka onnahakallalla, muwariwari mwakammu kinnattaphuwa, okumaaka wookhalla ni murendelle.

Masalimo 30:12

Sika ngikhalla ellapo tuu, koma kineerewuutitimihani ni murimaaka muttheene. Apwiya nyuwaano tti Mullukwaaka, kineerewuuthokozani wa enthawi yoohimalla.

Masalimo 34:1

Kineerewaathokoza Apwiya enthawi ettheene, vayanoni vaka vineerewaatitimiha alliwa moohihiyerera.

Masalimo 35:28

Miyaanottho kineerollalleya dda echilungamwaanyu, kineerewuutitimihani mallapo mattheene.”

Masalimo 51:14

Mukaakihe o mullatu wa nikhame, nyu Mulluku, Mulluku oovullusaaka, kineerowelliha mawaaka vawiipani dda ovullusa wanyu.

Masalimo 57:8

We murimaaka venya, nyu zeze ni gitala, inllani! Kineerovenyiha nndduwa ni nchipo naka.

Masalimo 59:12

Ekoliwe ni okota wiwa, ekaamba ya mawu a muwano mwiwa ni mawu avayanoni viwa, kaambiiwa ennatembelela nave ennalleka.

Masalimo 62:4

Yoopaalliiwa tti yawi emukitthihe vamapuronaaye oolemu. Ennakonda ollota ddawoottha, ennadalisa ni muwano mwiwa koma m'murimani mwiwa ennatembelela.

Masalimo 63:4

Kineerewuutitimihani mallapo mattheene a okumaaka, kineerotukhullella mattaaka wa nyuwaano moovekella.

Masalimo 71:24

Nllapo nittheene kineerollalleya ollota dda echilungamwaanyu wi oowaashaasha okivoreya, evevulliwe, ewulliwesese muru.

Oollalleya 7:22

vawi m'murimani mwawo onnadduwella wi weyaanottho enthawi emodda onnaaruwana athu amodda.

Yesaya 29:13

Apwiya aallota wi, “Athwaalla enakititimiha miyaano ni vayanonive koma mirima ddiwa ddoorekamellana ni miyaano. Khaddinna mutteko wi ekillapelleke kaambiiwa enahuddiha malamulo a athu wonanko tti malamulwaaka.

Mateyu 26:74

Vano Petro ahaamba wiitembelela yeekhaaye ni ollupella wi, “Nginamudduwella muthu yoolle.” Vano enthawi yeeyo mutthupi wahinlla.

Mateyu 5:44

Koma miyaano vano kinimuulleellani wi, mwaakondeke adanaanyu nave mwaavekellelleke ayo enuuhoosani,

Mitteko 2:26

Ekaamba ya yeella murimaaka woohakallalla, mawaaka aaddalla ni ohakallalla! Kineerokhallana ni otiyerella,

Aroma 3:14

Ennallota ddootembelela ni ddoovoriiha murima.

1 Akorinto 11:7

Mullopwana khanaphwanella owara ello omuruni waye kaambiiwa aphatusiwe wi aphwanaphwaneke ni Mulluku nave Mulluku anatitimihiwa ekaamba ya olliye. Koma mullopwana anariiheya ekaamba ya mutthiyana.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Yakobo 3:10

Mawu oothokoza ni ootembelela enakhuma muwano mmoddamodda mwemmo. Asinnaka ni arokoraka, nndda khaddinaphwanella wi ddeereyeke.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Oweeruza 9:27

Athwaayo yaaya omata yarukulla ezipaso ddampesa eddiwamulla yeera ehakallallo. Vano yaaya o enyumba ya mullukwiiwa yacha ni owirya nave yaamba omutembelela Abimeleki.