Yakobo 3:6 - Mawu a Mulluku

⁶ Sika nllumi niri wonanko munllo. Nllumittho nookhalla ni masiva oonanara, ninakhalla m'mwiillini mwahu ni oripiha mwiilli muttheene. Ninnakhariha munllo mookumaahu muttheene waambeella oyariwa ophiyera okhwa nave ninnavalla munllo o gehena.

Yakobo 3:6 Iomraidhean Croise

2 Samuele 16:20

Vano Abishalomu aamukoha Ahitofele wi, “Vano weyaano onaganiza wi neere tini?”

2 Samuele 19:43

Aisraelaayo yaawaakhulla Ayudaayo wi, “Mwa yoolla mookhalla milloko khumi dda hiyaano. Nave mu omwene wa Davide hiyaano nookhalla ni milloko ddinchichi wuukhwaranyani nyuwaano. Vano kaambiiwa tini nyuwaano munanivevulleenyu? Ethiyo khanihiyo hiyaano naambille ollota wi mwenaahu aweewo?” Koma athu a o Yuda yaallota moowalli wunchichi waakhwaranya Aisraele attheene.

2 Epilli 13:17

Abiya ni athwaaye yahaagonjiha Aisraelaayo ewiipha akhoto amasiva 500,000.

Masalimo 140:3

Ennaandusa nllumi niwa wi nikhalle wonanko na enowa, muwano mwiwa mookhalla nttipwi na enowa ya namarawe.

Masalimo 64:3

Alliwa ennaandusa nllumi niwa wonanko nsupada, ennavokha mawu oohoma wonanko mipaamba.

Miyambo 15:1

Waakhulla wawiithaalla onnakhurumusa murima koma mawu oovoreya ennashiha murima.

Miyambo 16:27

Muthu oohikhalla ni mutteko annakhozekella weera ddoonanara nave mawaaye tti wonanko munllo wooshellelliha.

Miyambo 6:19

mboni awoottha ni owoopaniha athu miru.

Miyambo 7:5

Ddineerewuuteteza wa mutthiyana ooraruwa, mutthiyana m'mwiitthoni, awoollowa nllumi.

Yesaya 30:27

Ngoonani, nnddina na Apwiya ninnooneya ovenyera woorekama. Enooniha osha murima muwari mwa munllo ni mwiisi woottikana. Enallota moowalli nave mawiiwa enaviha wonanko munllo wawoononga.

Yesaya 50:11

Ngoonani, attheene nyu munaviddeella munllo, ni okhariha ekhuni wi moononge, vollowani m'munllonaanyu yooyo, etani variyari va ekhuni mwakharihalleenyu. Muneerokhalla mu ddoohoosa, mi Apwiya sika kinuumorihelleni.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 28:16

Sika Apwiya enallota wi, ‘Ochenjere vawi eneerewuuvenyihavo va ellapo yavatthi. Onaakhwe muyakhoolla ohinamalle ekaamba yawi onallalleya ddookiwukila miyaano Apwiya.’ ”

Numeri 25:2

Atthiyanaayo yaanawiithana omikuthoni dda milluku ddiwa. Vano yaanachana ni ollapella milluku ddiwannddo.

Numeri 31:16

Valle atthiyana yaalla yaathwara malangizo a Balamu vawaahollosani Aisraele wi eheerettho ddoororomelleya vamiitthoni va Apwiya o Peori wulle wawi mullilli waamorella athu attheene a Apwiya.

Mateyu 12:24

Koma Afarisi yiiwalliiwa nndda, yaallota wi, “Tti Belezebulu,* muullupalli a minepa ddoonanara, anamuvaha Yesu masiva ookhumiha minepa ddoonanara.”

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Mariko 7:15

Khe ello enavollowa mwa muthu ovenyera otte enamuripiha vamiitthoni va Mulluku koma eyo enakhuma mwa muthu sika enamuripiha.”

Luka 16:24

Sika aakhuwa wa Abrahamu wi, ‘Attiitthaaka, mukeerelle echifundo, m'murumihe Lazaro wi atthaveye etthoka ya eyaallaaye m'maaddini nave akiriiryihena ommilloni waka vawi kinimahoowa wunchichi m'munllonimmu!’

Mitteko 20:30

Nave athu amodda oovenyera mwa mullokwaanyu yoolla, eneerowoottottha ookhulupilila ni waahoollella wi ehiye mpingo nave yaathwareke alliwaayo.

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

Mitteko 6:13

Nave yaawaana amboni awoottha ayo yallota wi, “Muthu yoolla khahiyalle ollota ddoovaanyiha nipuro noopatuleya ni malamulo a Mose.

Deuteronomo 13:6

Muthu ttuuwora wuullekani mwawiipittha wi mullapelle milluku ddimodda nnddo nyuwaano ni makhollwaanyu muhinaddillapellekeenyu. Naari muthooyo ari mbalaanyu awaamwana nipelle nimodda apaalle mwaninyu aamullopwana apaalle aamutthiyana apaalle mwaarinyu a vamurimani apaalle mukhwiinyu a vamurimani, muhillapelle millukunnddo naari vang'ono.

Tito 1:11

Tti woopaalleya waamaalliha kaambiiwa ennaapheelliha muru mabanja mattheene voohuddihani ddoohiphwanella. Eneera ddenndda ni yoolinga yoonanara, yoopaalla ophwanya makobiri.

Yakobo 2:7

Ethiyo khehiyo ayo enallotella epewe nnddina na ntitimiho nno munaromolliweenyuna?

Yakobo 3:7

Arive muthu annawora oweta orive mulloko wa enama, wa epallame, wa ddawaapadda ni ddamunyanja nave ndithu annaddiweta ddenndda.

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe

3 Yohane 1:10

Sika miyaano kawa kineeromuupusa mitteko aneereeye. Olliye annakillotella ddoonanara. Nave ddenndda khaddinamukwakhwanella, olliyettho khanawaakhella ookhulupilila akhwiihu yawa. Navettho annaahiiha ayo enapaalla owaakhella ookhulupilila akhwiihwaayo ni waachosa mumpingoni.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

Yawuupullulla 13:14

Yahaalleka athu attheene a va ellapo yavatthi ni ddoottikhiniha yaakhullelliwiiwa weera vamiitthoni va enama yuullupalli yawoopiha yawaambeelle. Yaanaalleellattho athu a va ellapo yavatthi wi eseme nifano nootitimiha enama yuullupalli yawoopiha yakakathiwe ni nsupada koma ekhalla ni okumeelle.

Yawuupullulla 18:23

Khamuwattho mooneya okhara wa enyali mwa weyaano, khamuwa mwiiweya mawu a ootthella ni ootthelliwa mwa weyaano. Allupa malondaawo yaari amasiva va ellapo yavatthi ettheene koma wahaalleka athu attheene a va ellapo yavatthi ni masengaawo!”

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.