Yakobo 3:1 - Mawu a Mulluku

¹ Asinnaka ni arokoraka, anchichi a nyuwaano muhikhalle ahuddihi kaambiiwa hiyaano ahuddihi nineereweeruziwa mookhwaranya athu amodda.

Yakobo 3:1 Iomraidhean Croise

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Malaki 2:12

Arive muthu aweera ddenndda Apwiya emuvenyihevo variyari va athu a Yakobo. Sika yaalla ehikhallevottho voovelleellani mikutho wa Apwiya Amasiva Mattheene.

Mateyu 10:24

“Oohuddera khanamukhwaranya muhuddihaaye nave kaporo khanaakhwaranya apwinnya.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Mateyu 9:11

Afarisi* amodda yahoona nndda nave yahaakoha oohudderaaye wi, “Kaambiiwa tini ahuddihaanyu enachiiwa ni athu ookhomiha misonkho ni oochimwa?”

Luka 16:2

Sika apwinnyaayo yaamwiithana ellota wi, ‘Kiniiweeminndda dda weyaano tti ddawoona? Kitthopoollelle dda muttekwaawo muttheene va eyuumaaka vawi khovirellella okhalla mullupa muttekwaaka.’

Luka 6:37

“Muhiweeruzeke athu amodda nave Mulluku khaweeruzani, muhinawiipaka mullatu athu amodda nave Mulluku khawa awiipani, mwaakhululukelleke athu amodda nave Mulluku aneerewuukhululukellanittho.

Yohane 3:10

Yesu ahaakhulla wi, “We ori muhuddihi muullupalli mu Israele nave khonadduwella nndda?

Mitteko 13:1

Mumpingoni wa Antiyokeya* waakhalla anamallotella ni ahuddihi alla: Baranaba, Simiyoni (ooromolliwa Ooripa), Lusiyo (oovenyera o Kurene), Manaene (oyo unnuwelle nimodda ni Herode)* ni Saulo.

1 Akorinto 12:28

Mumpingoni, Mulluku ahaatthoolla vawaamba amurummwa, aneepiilli anamallotella, aneeraru ahuddihi, oothwarellella, athu aweera ddoottikhiniha, oothwarellellattho, athu oovahiwa masiva oochiriha apaalle okavihera amodda apaalle waahoollella apaalle ollota ellotello ddoohidduwanyeya.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

Aefeso 4:11

Tti oyo aavahille emphaso. Ahaatthoolla amodda wi ekhalle amurummwa, amodda ekhalle anamallotella, amodda ekhalle oollalleya, amodda ekhalle abusa ni ahuddihi.

1 Timoteo 1:7

Enapaalla wi ekhalle ahuddihi a malamulo* a Mulluku koma kheniiwesesa naari mawiiwa ayo enasimikiziiwa.

1 Timoteo 2:7

Ella sika ekaambiiwa katthoollelliweemi okhalla oollalleyaaye ni murummwa oowahuddiha athu ayo ehiri Ayuda mawu a echikhulupililo yawoona. Nginoottha, kinallota ddawoona.

2 Timoteo 1:11

Mulluku ookitthoolla miyaano okhalla murummwa, muhuddihi ni oollalleya othenga waphaama.

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Yakobo 1:16

Muhoottotthiweke asinnaka ni arokoraka ookondiwa.

Yakobo 1:19

Upuwellani nndda, asinnaka ni arokoraka ookondiwa. Arive muthu akhalle awaakuva wiiwa, awiithaallella ollota nave oohaakuva osha murima.

Yakobo 3:10

Mawu oothokoza ni ootembelela enakhuma muwano mmoddamodda mwemmo. Asinnaka ni arokoraka, nndda khaddinaphwanella wi ddeereyeke.

1 Petro 5:3

Muhaalamuleke mwawiitukhulla ayo muvahiweenyu wi mwaawehereke koma mukhalleke echisanzo ya mulloko yooyo.