Yakobo 2:9 - Mawu a Mulluku

⁹ Nave mwaakondellaka munnachimwa nave munnavaanyihiwa ni malamulo wi nyuwaano tti oochimwa.

Yakobo 2:9 Iomraidhean Croise

Levitiko 19:15

“Muhineeruzaka moohikhalla ni echilungamo. Muhinakhallaka ni ntthoollo variyari va athu oohoowa ni eeyuuma koma mumweeruzeke mukhwiinyu mwa echilungamo.

Yohane 16:8

Olliye awa aneerewooniha wa athu a va ellapo yavatthi ddawoona ddiwa dda ochimwa, dda echilungamo ni dda echiweruzo.

Yohane 8:46

Ttaani a nyuwaano anakeera miyaano wi tti oochimwa? Kaallotaka ddawoona, khamunakikhulupilila miyaano kaambiiwa tini?”

Yohane 8:9

Nave yiiwalliiwa nndda yaavenyavo mmoddammodda waambeella ni attekweene. Yesu ahaanllevo yeekhaaye nave mutthiyanoolle iimenlle vaavo.

Mitteko 10:34

Petro ahaamba ollota wi, “Ddawoona, vano kohiiwesesa wi wa Mulluku athu attheene tti oophwanaphwana.

Aroma 3:20

Vawi Mulluku khaamulungamihalle arive muthu vamiitthoni vaye ekaamba ya wiiwellella malamulo. Malamulo enakhulla moona waadduwelliha athu wi aachimwa.

1 Akorinto 14:24

Koma arive muthu allotellaka nave athu oohikhulupilila apaalle athu amodda yavollowa, eneerovaanyihiwa ni ddittheddene eniiwiiwa. Nave eneereweeruziwa ni ddittheddene eniiwiiwa.

Agalatiya 2:19

Vano Miyaano kiri wonanko ookhwa ekaamba ya malamulo. Sika nginakhalla ni okumi wi kirumeyelleke malamulo koma kimurumeyelleke Mulluku. Kootthomeyiwa vamodda ni Khrisitu vamutandani,

Deuteronomo 1:17

Muhiweheke ekhove vaweeruzani arive muthu, khaya muthu shisha apaalle oodduwanyeya, mumweeruze moollikana. Muhimooveke arive muthu kaambiiwa erive echiweeruzo tti wa Mulluku. Mullatu mmodda wuukatamihani, muweekena wa miyaano wi kiwukamulle.’

1 Yohane 3:4

Arive muthu oyo anachimwa khaniiwellella malamulo a Mulluku kaambiiwa ochimwa tti ohiiwellella malamulo.

Yuda 1:15

Eneeroowa wi eweeruze athu attheene nave eneerokamulla wi attheene oohaakhulupilila alliwa tti oochimwa ekaamba ya mitteko ddiwa ddoonanara eneeriiwa yaachimwaka navettho ekaamba yawi yaamullotella epewe olliye.”