Yakobo 2:2 - Mawu a Mulluku

² Vawi muthu eeyuuma oowara emphete ya golide ni yoowara yooreera avollowa mootthukumanella mwanyu nave muthu oohoowa ni oowara matapwata avollowattho,

Yakobo 2:2 Iomraidhean Croise

Genesis 27:15

Vatulli viwa Rebeka aakusa ddoowara ddaphaama dda Esau nnddo addisungeeye nave aamuwariha mung'onong'onwaaye Yakobo.

Estere 3:10

Vaavo mwene aarulla emphete o nnatta waye, eyo yapharihiwa mutteko woodinda malamulo a mwene. Nave ayivelleella empheteeyo wa Hamani Mwagagi, mwaana a Hamedata, mudani a Ayuda.

Estere 8:2

Mwene aarulla emphetaaye yookhalla ni echidindo eyo aakhilleeye ovenyera wa Hamani, ayivelleella wa Mordekai. Sika Estere aamwinnya Mordekai ottekweene woowehera enyumba ya Hamani.

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

Luka 15:22

Koma attiitthinnyaayo yaallota wa mullupa mutteko wi, ‘Akuvani mwakuse mukanjo waphaama m'muwarihe. M'muwarihettho emphete o eyaalla ni esapato omanyalloni waye.

Luka 23:11

Vano Herode ni akhotwaaye yaamweerella ni omullotella epewe Yesu. Yaamuwariha mukanjo woomwene, emuhokollosella wa Pilato.

Yakobo 2:3

vano muhimuvahe olemu a eyuumoolle voollotani wi, “Nyu keraatthini vaphaamamva.” Navettho muhimulleelle oohoowoolle wi, “We iimella mvo apaalle keraatthi vatthimva vakhuviru ni manyallwaaka.”