Yakobo 2:1 - Mawu a Mulluku

¹ Asinnaka ni arokoraka vawi munnaakhulupilila Apwiihu Yesu Khrisitu, Apwiya antitimiho, muhinakondellaka variyari va athu moollikana ni wooneya wiwa.

Yakobo 2:1 Iomraidhean Croise

2 Epilli 19:7

Vano muwooveke Apwiya. Muganizeke va nnddo muneerekeenyu vawi Apwiya Mullukwaahu tti oolungama nave khenaweha ekhove apaalle waakhella ddamukaphwani.”

Miyambo 24:23

Alla tti malangizo mamodda a athu eezeru. Okondella vookamullani muthu khe ello yaphaama.

Miyambo 28:21

Ntthoollo khe naphaama koma enthawi emodda muthu annooniha okondella ekaamba ya mwanabuledi.

Levitiko 19:15

“Muhineeruzaka moohikhalla ni echilungamo. Muhinakhallaka ni ntthoollo variyari va athu oohoowa ni eeyuuma koma mumweeruzeke mukhwiinyu mwa echilungamo.

Mateyu 22:16

Koma yaanaarumiha wa Yesu oohudderiiwa amodda ni athu a mulloko wa Herode.* Yaayo yaallota wi, “Ahuddihi, ninnadduwella wi munnallota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove.

Mitteko 10:34

Petro ahaamba ollota wi, “Ddawoona, vano kohiiwesesa wi wa Mulluku athu attheene tti oophwanaphwana.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 24:24

Viviralle mallapo ooyeva Felike aawa ni mwaariye Durusila, oyo aari Muyuda. Aamwiithaniha Paulo nave amwiiwellella alloteeye dda echikhulupililo mwa Khrisitu Yesu.

Mitteko 7:2

Sitefano ahaakhulla wi, “Asinnaka ni attiitthaaka, kiiwelleni miyaano! Nikhollo nahu Abrahamu aariiye o Mesopotamiya ahinaye wi akhalle o Harana, Mulluku antitimiho aamooneyella,

Aroma 1:11

Vawi kinnapaalla wunchichi wi kiwooneni wi nanyeenettho mukhallena emphaso dda Munepa Waweella, sika mwawi ddiidda echikhulupilwaanyu eneerollipa.

1 Akorinto 2:8

Khaavo oolamulella a ellapo ella aadduwenlle ezeru yeella. Yadduwenlleke kheyaatthomeye vamutandani Apwiya antitimiho.

Deuteronomo 1:17

Muhiweheke ekhove vaweeruzani arive muthu, khaya muthu shisha apaalle oodduwanyeya, mumweeruze moollikana. Muhimooveke arive muthu kaambiiwa erive echiweeruzo tti wa Mulluku. Mullatu mmodda wuukatamihani, muweekena wa miyaano wi kiwukamulle.’

Deuteronomo 16:19

Eheeruzeke moohollosa apaalle mooweha ekhove. Ehaakhelleke ddamukaphwani kaambiiwa ddamukaphwani ddinnaripiha miittho a athu eezeru nave ddinnaahollosa eyano dda oolungama vaweeruzani.

Akolose 1:4

Vawi nohiiwa dda echikhulupilwaanyu mwa Khrisitu Yesu ni echikondaanyu wa athu a Mulluku attheene.

1 Timoteo 1:19

ni opharesesa echikhulupililo ni yawuupusella murima yooreera. Athu amodda yaatathilla yawuupusella murimiiwa, sika echikhulupililwiiwa yahoonongeya.

1 Timoteo 5:21

Vamiitthoni va Mulluku ni Khrisitu Yesu ni angelo ootthoolliwa kinimuulamula wi othware malamulo yaalla moohiweha ekhove apaalle mookondella.

Tito 1:1

Ovenyera wa miyaano Paulo, oorumeyella a Mulluku ni murummwa a Yesu Khrisitu. Kaatthoolliwa ni orumihiwa wi kikavihere echikhulupililo ya athu a Mulluku ootthoolliwa ni wi kaahoollelle odduwella yawoona moollikana ni omutitimiha Mulluku,

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Yakobo 1:16

Muhoottotthiweke asinnaka ni arokoraka ookondiwa.

Yakobo 1:19

Upuwellani nndda, asinnaka ni arokoraka ookondiwa. Arive muthu akhalle awaakuva wiiwa, awiithaallella ollota nave oohaakuva osha murima.

Yakobo 2:3

vano muhimuvahe olemu a eyuumoolle voollotani wi, “Nyu keraatthini vaphaamamva.” Navettho muhimulleelle oohoowoolle wi, “We iimella mvo apaalle keraatthi vatthimva vakhuviru ni manyallwaaka.”

Yakobo 2:9

Nave mwaakondellaka munnachimwa nave munnavaanyihiwa ni malamulo wi nyuwaano tti oochimwa.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.

Yawuupullulla 14:12

Vano nngu sika wiithaniwa wa athu a Mulluku ayo enathwara malamulwaaye wi evillelleke ni okhalla oororomelleya wa Yesu.