Yakobo 1:2 - Mawu a Mulluku

² Asinnaka ni arokoraka, muhakallalleke mwaaweesiwaka moohiyanahiyana,

Yakobo 1:2 Iomraidhean Croise

Mitteko 5:41

Amurummwaayo yavenyilliiwa o nthatoni namillatu nko, yaahakallalla wi Mulluku aaweerengella alliwaayo wi tti woophwanella ohoosiwa ekaamba ya nnddina na Yesu.

Aroma 5:3

Ninnahakallallattho ni ddoohoosa ddahu kaambiiwa ninnadduwella wi ddoohoosa ddinnaneeriha wi nikhalle oovillella.

Afilipi 1:29

Vawi moovahiwa ekari ohiri vookhulupililanive mwa olliye komattho ohoowa ekaamba ya olliye.

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

Afilipi 2:18

Emoddamoddave yeeyo nyuwaano munaphwanella muhakallallettho vamodda ni miyaano.

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

Aheberi 10:34

Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Yakobo 1:16

Muhoottotthiweke asinnaka ni arokoraka ookondiwa.

Yakobo 1:19

Upuwellani nndda, asinnaka ni arokoraka ookondiwa. Arive muthu akhalle awaakuva wiiwa, awiithaallella ollota nave oohaakuva osha murima.

Yakobo 5:11

Ninaweera oodala kaambiiwa yaavillella. Mwahiiwa dda ovillella wa Yobu navettho munnadduwella mmo eerelliweeye ni Apwiya voomallihella. Vawi Apwiya aaddalla ni ethakaraka ni oreera murima.

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.