Yakobo 1:1 - Mawu a Mulluku

¹ Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.

Yakobo 1:1 Iomraidhean Croise

1 Mamwene 18:31

Aakusa malluku khumi ni meelli moollikana ni waata wa malloko a anamwani a Yakobo oyo Apwiya yamuromonlliiwa wi Israele.

Ezara 6:17

Voopatulani enyumba ya Mullukweella, athu yaavelleella anankhoro a eng'ombe 100, anankhoro ankhosa 200 ni asaanaankhosa 400. Yaavelleellattho anankhoro a epuri khumi ni eelli okhalla mukutho woopepesella machimo wa Aisraele attheene moollikana ni echiwerengero ya malloko a Israele.

Estere 3:8

Vano Hamani aamulleella mwene Ahasuwero wi, “Vookhalla nlloko nimodda na athu nno nimwareyelle mwiillaponi ettheeneella nave ninaphwanyeya mu erive echigawo eyo munalamulelleenyu. Malamulo a athu yaalla tti oohiyana ni malamulo a athu amodda attheene. Nave athu yaalla kheniiwellella malamulo a mwene, sika khe phaama wi mwene aahiyerere.

Eksodo 24:4

Nave Mose aalemba mawu mattheene a Apwiya. Nave aavenya moopeha ohinase aamba omaka nikuwa museresere mwa mwaango. Nave ahiimesa malluku khumi ni meelli a malloko khumi ni meelli a Aisraele.

Eksodo 28:21

Malluku yaalla ekhalle khumi ni meelli moollikana ni malloko a Aisraele. Mallukwaayo egobiwe wonanko ezidindo, nirive nlluku nikhalle ni nnddina na nlloko nimodda.

Eksodo 39:14

Malluku yaalla yaari khumi ni meelli moollikana ni malloko a Aisraele. Mallukwaayo yagobiwe wonanko ezidindo, nirive nlluku naari ni nnddina na nlloko nimodda.

Ezekiele 12:15

Sika eneerodduwella wi mi tti Apwiya nave kineerewaamwaramwara variyari va athu a mitundu ddeelleto ni waapallallesella o ellapo ddinchichi.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Mateyu 10:3

Filipo* ni Bartolomeyu, Tomasi ni Mateyu ookhomiha misonkhoolle, Yakobo mwaana a Alifeyu ni Tadeo.

Mateyu 13:55

Khe mwaana a ookhoma mataboolle? Amennya khe Mariya? Nave asinne khe Yakobo, Yosefe, Simoni ni Yudasi?

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Mariko 3:18

Andreya, Filipo,* Bartolomeyu, Mateyu, Tomasi, Yakobo, mwaana a Alifeyu, Tadeo, Simoni a mulloko wa endale wa Azelote*

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Luka 6:15

Mateyu ni Tomasi, Yakobo mwaana a Alifeyu ni Simoni ooromolliwa Zelote,*

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Yohane 7:35

Attekweene a Ayuda yaakohana wi, “Anaaye wuuwi wi hiyaano nihimuphwanye. Apaalle anaaye o mizinda dda athu ayo ehiri Ayuda wi aahuddiheke yaayo, nko athwaahu epallalleyelliiwawo?

Mitteko 1:13

Yavollowilliiwa m'muzindanimmo yaaya o echipinda yavaddullu nko yakhalliiwawo. Amurummwaayo yaari: Petro, Yohane, Yakobo, Andreya, Filipo,* Tomasi, Bartolomeyu, Mateyu, Yakobo mwaana a Alifeyu, Simoni a mulloko wa Aziloti ni Yudasi mwaana a Yakobo.

Mitteko 12:17

Ahiimesa nnatta naye wi emaalle nave ahaatthopoollella mmo Apwiya yamukhumihelliiwa mundende. Nave aallota wi, “Mumulleelle Yakobo ni ookhulupilila amodda ddenndda.” Nave aavenyavo aya waamodda wene.

Mitteko 15:13

Yamallihalliiwa ollotanko, Yakobo aallota wi, “Kiiwelleni miyaano, asinnaka ni arokoraka!

Mitteko 15:21

Lamulo na Mose ninneerengiwa waambeella khalle mu enyumba ddamavekello* nirive nllapo na Sabata ni wi mawaaye ennallalleyiwa mu orive muzinda.”

Mitteko 15:23

Nave yaawinnyera kalata oollota wi, “Ovenyera wa amurummwa, attekweene ni ookhulupilila akhwiinyu oya wa ookhulupilila akhwiihu ayo ehiri Ayuda mu etawoni ya Antiyokeya, mu ezigawo dda Siriya ni Silisiya, nnihina mooni.

Mitteko 2:5

Vano waakhallattho Ayuda ookhalla o Yerusalemu, ayo yamullapella Mulluku nave oovenyera o ellapo ddittheddene dda vatthimva.

Mitteko 21:18

Osaka wene Paulo ni hiyaano naaya wi namoone Yakobo nave attekweene a mpingo* attheene yaari vaavo.

Mitteko 23:26

“Mi Klaudiyo Lusiya oyo kinuuvahani mooni nyuwaano ooriiheya Felike oolamulella.

Mitteko 26:7

Ddeko ddennddo malloko khumi ni meelli a athwaahu enatiyeriiwa wi yaakhelle, voomullapellani Mulluku otthaana ni mahiiyu, tti ddennddo kiniipiweemina mullatu ni Ayudaalla, mwene nyu!

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Agalatiya 1:19

Khaavo murummwa kamoonilleemi omupatula Yakobo, mwanamunniwa a Apwiya

Agalatiya 2:12

Athu amodda ayo yarumihiwe ni Yakobo ehinaphiye wenko, Petro aanacha ni athu ayo ehiri Ayuda. Nave athu yaalla ephiyalle, aahiya ocha ni athu ayo ehiri Ayuda kaambiiwa awoova ayo yapaalla wi yaaphadde alliwaayo.

Agalatiya 2:9

Yakobo, Petro ni Yohane ayo yooneya wi tti oohoollella, yaadduwella wi Mulluku aakivaha mutteko waphaama yoolla, sika yaaniphara matta miyaano ni Baranaba woonihella wi attheene naari awaattana. Nahiiwanana ni Baranaba wi naphare mutteko variyari va athu ayo ehiri Ayuda nave alliwa variyari va Ayuda.

Deuteronomo 28:64

Nave Apwiya eneerewuupallallesani variyari va mitundu ddittheddene ovenyera woomallihella omodda wa ellapo yavatthi ophiyera woomallihella omoddattho. Wenko munaarumeyelleke milluku ddimodda, ddamiteekho ni ddamalluku, nnddo nyuwaano ni makhollwaanyu mwahiddidduwenlleenyu waambeella khalle.

Deuteronomo 30:3

Sika Apwiya Mullukwaanyu eneerewuuhokollosellani ddaphaama ni oweerellani echifundo. Eneerewuutthukumanihani ovenyera wa mitundu ddimodda dda athu nko yuupallalleselliiwani.

Deuteronomo 32:26

Kineerewaatthollosa attheenaayo, wi ehuupuwelliwe ni arive muthu.

Deuteronomo 4:27

Apwiya eneerewuumwarani variyari va mitundu ddimodda nave aweerengeyave mwa nyuwaano sika enaahalle variyari va mitundu ddimodda nko Apwiya enaawiikarelleniiwawo.

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

2 Timoteo 4:21

Weeseese wi owe ehinaphiye eyitta. Yubule, Pude, Lino, Klaudiya ni asinno ni arokoriyo attheene eni mooni.

Tito 1:1

Ovenyera wa miyaano Paulo, oorumeyella a Mulluku ni murummwa a Yesu Khrisitu. Kaatthoolliwa ni orumihiwa wi kikavihere echikhulupililo ya athu a Mulluku ootthoolliwa ni wi kaahoollelle odduwella yawoona moollikana ni omutitimiha Mulluku,

1 Petro 1:1

Ovenyera wa miyaano Petro, murummwa a Yesu Khrisitu. Kinalembella wa athu ootthoolliwa a Mulluku ayo enakhalla wonanko athu oothawa owaniwa ayo epallalleyelle mu echigawo dda Ponto, Galatiya, Kapadokiya, Asiya* ni Bitiniya.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Yawuupullulla 7:4

Nave kaalleelliwa wi athu yadindiwe ni echidindo ya Mulluku va eyuuchi ddiwa yakwakhwanne 144,000 oovenyera o malloko khumi ni miilli dda Israele,