Tito 2:2 - Mawu a Mulluku

² Waalleelle allopwana awuulluvalla wi ekhalleke oohilezela, eezeru, awiihiiha, oollipihella mu echikhulupililwiiwa, mu echikondi navettho mu ovillella.

Tito 2:2 Iomraidhean Croise

Yobu 12:12

Ezeru ddiri ni athu awuulluvalla, odduwellesesa ori ni attekweene.

Masalimo 92:14

Ennimma ezipaso naari dduulluvanlle enthawi ettheene ennaddalliwa ni maaddi ennarimbellella,

Miyambo 16:31

Embwi ddiri wonanko enduwira yoomwene yoophwanyeya mu ettilla ya echilungamo.

Yesaya 65:20

Khowa okhallattho anamwani ookhwa eri awaamwa nave awuulluvalla attheene eneerekokwakhwaniha miyakha ddiwa ddittheddene. Ookhalla ni okumi ophiyera miyakha 100 enooneyeke wonanko musombwe nave okhwa ddihinakwakhwane miyakha 100 ddinooniheke otembeleliwa.

Levitiko 19:32

“Mukhalleke oolemu vamiitthoni va muthu awuulluvalla nave mumooveke Mullukwaanyu. Mi tti Apwiya.

Mariko 5:15

Yaphiyalliiwa wa Yesu, yaamoona muthu oyo aari ni minepa ddoonanara ddinchichi akeraatthille vaavo. Aari awanre phaama, ari ni maganizo aphaama. Nave attheenaayo yahoova.

Luka 8:35

Athu yaakhuma wi yoone yeereyeeyo. Yaphiyalliiwa wa Yesu, yaamoona muthu oyo minepa ddoonanara ddaakhumalle mwa olliyooyo akeraatthille vakhuviru ni Yesu. Aari awanre phaama, ari ni maganizo aphaama. Nave attheenaayo yahoova.

Mitteko 24:25

Nave Paulo aakambirana ni Felike dda echilungamo wiihiiha weekhaawo ni dda owa wa nllapo na echiweruzo. Felike ahoova nave allota wi, “Khawe vano, kineerowiithanattho kakhalla ni mpata.”

Aroma 12:3

Ekaamba ya echisomo eyo Mulluku aakivahilleeye, kinallota wa arive muthu variyari vanyu wi muhiganizeke wi nyuwaano tti uullupalli ohiyana ni mmo mukhallelleenyu. Koma maganizwaanyu ekhalle awiiyeviha moollikana ni waata wa echikhulupililo eyo Mulluku uuvahilleeyeni.

1 Akorinto 15:34

Muhokollweelle o makhallellwaanyu aphaama nave muhiye ettilla ddanyu ddoochimwa. Kinallota wi kuuwulliheni muru kaambiiwa amodda a nyuwaano khamunamudduwella Mulluku.

1 Akorinto 9:25

Arive muthu oothamaka, vookhozekellani anniihiiha va ddeko ddittheddene wi aakhelle emphaso yoomalla koma hiyaano nineera ddiiddo wi naakhelle emphaso yoohimalla.

2 Akorinto 5:13

Naari nooneyaka wonanko athu oohiphara muru niri ddiidda wi nimutitimihe Mulluku. Komattho naari nooneyaka wonanko eezeru niri ddiidda ekaamba yawuukaviherani nyuwaano.

Agalatiya 5:23

omaalleya ni wiihiiha. Kheyiivo malamulo enavaanya ddeko wonanko ddenndda.

Afilipi 4:8

Asinnaka ni arokoraka, voomallihella muhiyeke murimaanyu va erive ello eri yaphaama ni yoolemu. Sika ddeko ddawoona, ddoovahiwana olemu, ddaweella, ddooreera ni ddookondiwa.

1 Atesalonika 5:6

Sika vano nihikoneke wonanko amodda ayo koma muvenyeke nave mukhalleke oowehera.

1 Atesalonika 5:8

Wawi hiyaano tti a otthaana, nihilezeleke. Niware echikhulupililo ni echikondi wonanko yoowara yawiitetezella ekhakadda ni etiyerello ya ovullusiwa wonanko echipewa yawiitetezella omuruni.

1 Timoteo 1:10

ooraruwa, ookonana ni allopwana akhwiiwa, oowaakulla athu, oowoottha, oovelleella omboni wawoottha nave ni arive muthu aneera erive ello yoovaanyana ni ehuddiho yawoona.

1 Timoteo 1:14

Nave Apwiihu yahiithellella echisomwiiwa yinchichi va miyaano, ekivahattho echikhulupililo ni echikondi nnddo ddiri ddahu oweella mwa Khrisitu Yesu.

1 Timoteo 1:2

Kinamulembella wa weyaano, Timoteo, mwanakamwanaka mu echikhulupililo. Echisomo, echifundo ni murendelle ddoovenyera wa Mulluku Attiitthiihu ni Khrisitu Yesu Apwiihu ddikhalle ni weyaano.

1 Timoteo 1:5

Yoolinga ya wuulamula waka tti yawi waahuddihe athu okondana ovenyera m'murimani waweella ni yawuupusella murima yooreera ni echikhulupililo yawoona.

1 Timoteo 3:11

Awariwattho ekhalleke oovahiwa olemu, oohillota ddoonanara dda akhwiiwa, ekhalle awiihiiha ni oororomelleya mu ddittheddene.

1 Timoteo 3:2

Oohoollella mpingo akhalleke oohikayikelliwa, akhalle ni mutthiyana mmodda, eezeru, awiihiiha, oovahiwa olemu, ookonda owaakhella alleto ni oowora ohuddiha.

1 Timoteo 3:4

Akhalle oodduwella weetiha nibanja naye phaama ni waallella anaaye phaama wi ekhalle awiiwellella ni oolemu mu erive ello.

1 Timoteo 3:8

Oorumeyella a mpingo enaphwanellattho ekhalle oovahiwa olemu, oororomelleya va nnddo enallotiiwa, ehilezeleke, ehikhalle a nrima na makobiri,

1 Timoteo 5:1

Ohimuhumullulleke muttekweene moomusimwella koma omukoheke wonanko attiittho. Okhalleke ni asombwe wonanko asinno.

Tito 1:13

Omboni yoolla tti wawoona. Sika waahumullulle moosimwa wi ekhalle mu echikhulupililo yawoona,

Tito 1:8

Akhalle ookonda owaakhella alleto ni ookonda ddaphaama. Akhalle awiiwehera yeekhaaye, oolungama, aweella murima ni awiihiiha.

Tito 2:7

Weyaano okhalleke echisanzo ya makhallello aphaama mu ddittheddene. Ehuddihwaawo ekhalleke yawoona navettho ohuddiheke moolemu.

Filemoni 1:9

Koma ekaamba ya okondana wahu, kinapaalla wuuveka, miyaano Paulo, oomwimellella Khrisitu Yesu navettho a mundende ekaamba ya omurumeyella olliye.

1 Petro 1:13

Sika vano, maganizwaanyu ekhalle ookhozeka. Chenjerani nave mutiyerelle wunchichi va echisomo eyo enaavahiwe wa nyuwaano Yesu Khrisitu uupullulliwa.

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

2 Petro 1:6

va odduwella wanyu mwaanjererevo wiihiiha, va wiihiiha wanyu mwaanjererevo ovillella, va ovillella wanyu mwaanjererevo makhallello ookhulupilila,