Tito 1:6 - Mawu a Mulluku

⁶ muullupalli ahikhalle ni yookayikella, akhalleke ni mwaariye mmoddave nave anaaye ekhalle ookhulupilila ni oohikhalla ni epilli ya machimo naari oohiiwellella.

Tito 1:6 Iomraidhean Croise

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Miyambo 28:7

Oosunga malamulo tti mwaana eezeru koma mukhwiiwa a oottutthuwa annaawulliha muru attiitthinnya.

Ezekiele 44:22

Ehinamutthellaka naamukhwelle shisha apaalle oohiyiwa. Emutthelleke namwalli oohimudduwella mullopwana a nlloko na Israele apaalle naamukhwelle a mullupa mukutho mukhwaaye.

Levitiko 21:14

Ahimutthelle naamukhwelle apaalle mutthiyana oyo mamune amuhiyalle apaallettho mutthiyana ooraruwa. Koma amutthelle namwalli oyo oohimudduwella mullopwana variyari athu a nlloko naye,

Levitiko 21:7

Ehinamutthella mutthiyana ooraruwa apaalle mutthiyana oyo aripihiwe navettho ehimutthelle mutthiyana oyo ahiyiwe ni mamune vawi mullupa mukutho tti aweella vamiitthoni va Mullukwaaye.

Malaki 2:15

Ethiyo Mulluku khaaweeriheni wi mukhalle mwiilli mmodda owaaka munepa ni alliwa? Ethiyo yoolingaaye yaari tini vaweerani ddenndda? Yaari yawi mukhalle ni anamwani ayo eri athu a Mulluku. Sika onesesani wi ahikhallevo naari mmodda a nyuwaano oyo oohiroromelleya wa mwaariye.

Luka 1:5

Mu enthawi eyo Herode* aariiye mwene a echigawo ya Yudeya, waakhalla mullupa mukutho nnddina naye Zakariya, a mulloko wa allupa mukutho wa Abiya. Mwaariye aari a nlloko na Aroni nave nnddina naye aari Elizabeti.

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

1 Atesalonika 5:14

Asinnihu ni Arokorihu, ninuuvekani wi mwaahumullulleke athu oohipaalla ophara mutteko, mwaallipiheke murima athu awoova, mwaakavihereke athu oofooka navettho mumuvillelleke arive muthu.

1 Timoteo 1:9

Nave ninnadduwellattho wi malamulo khenapangelliwa athu oolungama koma a etiyamaaru ni oohiiwellella, oohimullapella Mulluku, oochimwa, oonanara ni oomwiita Mulluku ni oowiipha attiitthiiwa, ameewa ni oowiipha akhwiiwa,

1 Timoteo 3:12

Oorumeyella a mpingo akhalleke ni mutthiyana mmodda, akhalle oodduwella weetiha nibanja naye phaama ni waallella anaaye phaama.

Tito 1:10

Vawi vookhalla amodda oohiroromelleya, makamaka oovenyera o Eyuda, ayo enallota ddoohikhalla ni mutteko ni waahollosa akhwiiwa.

1 Samuele 2:11

Vano Elikana ni Hana yaahokollweella owaniwa o Rama. Koma musomboolle Samuele aahalla o Shilo anaarumeyella Apwiya vamiitthoni va mullupa mukutho Eli.

1 Samuele 2:22

Vano Eli ahuulluvalla wunchichi nave aaniiwa ddittheddene anaaye yaweerelliiwa Aisraele owaaka ddawi yaanararuwa ni atthiyana oowehera vamullakoni va musasa wamutthukumano.