Tito 1:3 - Mawu a Mulluku

³ Va enthawi yoophwanellella Mulluku, Oovullusaahu, ahuupullulla yeeyo mu othengaaye. Aakivaha yeella nave kinnallalleya moollikana ni olamula wa Mulluku oonivullusaahu.

Tito 1:3 Iomraidhean Croise

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Yesaya 45:15

Ddawoona, mookhalla ni Mulluku ooddiipitthiha, Mulluku a Israele, Oovullusa.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Daniele 11:27

Vatulli viwa mamwene meellaayo eneerochella vamodda koma mirima ddiwa ddinaakhalle ddoolleka nave eneerewoottotthana. Koma khephuravo ello ekaamba yawi enthawi khenaphiye.

Daniele 8:23

Nave vamamallihello va moomwenaalla, machimwiiwa yaatillesese vineerewooneya mwene awumma murima, oochenjera wunchichi.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Mariko 1:15

Olliye aallota wi, “Enthawi yookwakhwanihiwa nave omwene wa Mulluku wohaatamella. Rukunuwani murima nave mukhulupilile othenga waphaama!”

Mariko 13:10

Ehinaphiye mamallihello, othenga waphaama onapaalleya wi ollalleyiwe wa athu attheene.

Mariko 16:15

Nave allota wi, “Khaweni o ellapo yavatthi ettheene, mwallalleye othenga waphaama wa athu attheene.

Luka 1:47

nave munepaaka wohakallalla ekaamba ya Mulluku, oovullusaaka,

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Mitteko 17:26

Ovenyera mwa muthu mmodda aaphatusa mitundu ddittheddene dda athu wi ddikhalleke va ellapo yavatthi ettheene. Aari aganizalle khalle dda enthawi ya mitundunnddo ni m'makomelloni mwa mapurwiiwa.

Aroma 15:19

ni masiva a ezizindikiro ni ddoottikhiniha navettho ni masiva a Munepa Waweella. Sika vano koollalleya othenga waphaama wa Khrisitu ovenyera o Yerusalemu ophiya o Iliriko.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Aroma 16:26

Koma vano Mulluku a enthawi yoohimalla aalamula wi yawooneeyo yuupullulliwe mu ddoolemba dda anamallotella nave wi edduwelliwe ni athu attheene wi ekhulupilile ni wiiwellella.

Aroma 5:6

Khrisitu aanikhwella naariihu oochimwa ni oofooka va enthawi Mulluku apanlleeye.

1 Akorinto 9:17

Kapharaka mutteko moopaalla mwaka, vano keerekopaalla ollivelliwa. Koma kaapharaka mutteko woohikhalla ekaamba ya opaalla waka sika wi muttekooyo tti odindo oyo Apwiya yakivalliiwa.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

Aefeso 1:10

Enthawi yakwakhwana Mulluku aneerokwakhwaniha yoolinga yeella, vootthukumanihani ddoophatusiwa ddittheddene vamodda, erive ello va ellapo yavatthi ni oddullu, vatthi va oolamulella muullupalli, Khrisitu.

Aefeso 2:17

Sika Khrisitu aawa allalleya othenga waphaama wa murendelle wa attheene, wa nyuwaano athu ayo ehiri Ayuda oorekamellana ni Mulluku nave wa Ayuda yaatamanne ni olliyooyo.

Afilipi 1:13

Vawi, oowehera a Eroma ni athu amodda attheene wuno ennadduwella wi miyaano kiri mundende kaambiiwa kinamurumeyella Khrisitu.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

1 Atesalonika 2:4

Koma ninnallalleya kaambiiwa Mulluku aanivaha hiyaano othenga waphaama. Sika ninallota ohiri waahakallalliha athu koma omuhakallalliha Mulluku oyo aneesa mirima ddahu.

1 Timoteo 1:1

Ovenyera wa miyaano Paulo, murummwa a Khrisitu Yesu moollikana ni olamula wa Mulluku oovullusaahu navettho Khrisitu Yesu, otiyera wahu.

1 Timoteo 1:11

Ehuddiho yeeyo eri mu othenga waphaama wa ntitimiho ni oriiheya wa Mulluku oyo aakivahilleeye.

1 Timoteo 2:3

Vawi ella tti yaphaama nave tti yawaakhelleya vamiitthoni va Mulluku oovullusaahu,

1 Timoteo 4:10

Vawi ninnaphara mutteko moollipihella kaambiiwa nookhalla ni etiyerellwaahu mwa Mulluku Ookumi, oovullusa athu attheene, makamaka ookhulupilila.

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

Tito 2:10

apaalle owiiyera. Koma enapaalleya yooniheke wi tti aphaama ni oororomelleya wi yariihe ehuddiho ya Mulluku oovullusaahu mu erive ello.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Yawuupullulla 14:16

Vano akeraatthille vamuraponooyo ahaamba mutteko ni echikwakwaaye, aatulla ddoohata dda va ellapo yavatthi.