Tito 1:2 - Mawu a Mulluku

² mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Tito 1:2 Iomraidhean Croise

Yesaya 1:20

Koma mwakhoota nave mwawukila, muneerewiiphiwa ni nsupada. Mi Apwiya koollota.”

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

Mariko 10:17

Yesu avirellelleeye ni olendwaaye, muthu mmodda aamuthamakella, amukokhorella amukoha wi, “Ahuddihi aphaama, keere tini wi kaakhelle okumi woohimalla?”

Mariko 10:30

eneerewaakhella 100 m'mallaponi yaalla nnddo yahiyalliiwa monga enyumba, asinniwa, arokoriwa, ameewa, aniiwa ni emata ni ddoohoosa nave mallapo amuhoollo eneerewaakhella okumi woohimalla.

Yohane 10:28

Nave kinnaddivaha okumi woohimalla, khaddiwa ddikhwa. Khaavo muthu anaakaakhe ddennddo ovenyera mu nnatta naka.

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Yohane 5:39

Munahuddera mawu a Mulluku kaambiiwa munaganiza wi mwemmo muneerophwanyamo okumi woohimalla. Nave tti mawu a Mulluku yaalla eri mboni,

Yohane 6:54

Ayo enacha mwiillaaka ni owirya nikhame naka aakhalla ni okumi woohimalla nave va nllapo noomallihella kineerewaavenyiha wa ookhwa.

Yohane 6:68

Simoni Petro ahaakhulla wi, “Apwiya, ninaaye wa aani? Tti nyeeneve muri ni mawu oovaha okumi woohimalla.

Mitteko 15:18

Sika Apwiya yaheeriha ddenndda wi ddidduwanyeye khalle.’

Aroma 1:2

Othenga yoolla Mulluku aawulonjeza khalle oweella mwa anamallotellaaye wonanko mmo yalembelliiwa mu mawaaye aweella.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Aroma 5:2

Kaambiiwa naamukhulupilila Yesu Khrisitu aaneeriha wi noonena echisomo ya Mulluku, eyo eri matthipellellwaahu. Nave vano ninnahakallalla wi ninnatiyera okhalla ni ntitimiho na Mulluku!

Aroma 5:21

Sika vano vawi machimo yaanalamulella ohoollella o okhwa, emoddamoddave yeeyo, vano echisomo ya Mulluku ennalamulella oweella mu echilungamo, ennanihoollella o okumi woohimalla oweella mwa Yesu Khrisitu Apwiihu.

Aroma 5:4

Ovillella onnaneeriha waakhullelliwa ni Mulluku nave waakhullelliwaangu onnaneeriha otiyera.

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

1 Atesalonika 2:15

Ayudaayo sika yawiiphalle Apwiya Yesu ni anamallotella nave yaanihoosattho hiyaano. Khenamuhakallalliha Mulluku navettho enniitana ni athu attheene.

1 Atesalonika 5:8

Wawi hiyaano tti a otthaana, nihilezeleke. Niware echikhulupililo ni echikondi wonanko yoowara yawiitetezella ekhakadda ni etiyerello ya ovullusiwa wonanko echipewa yawiitetezella omuruni.

1 Timoteo 6:12

Wanana ekhoto yaphaama ya echikhulupililo, pharesesa okumi woohimalla oyo wiithanelliweewe nave wahaakhullella moohikhuwa echikhulupililwaawo vamiitthoni va amboni anchichi.

1 Timoteo 6:19

Vawi vaweerani ddiidda eneerewiisungella eyuuma eyo enaakhalle matthipello a muhoollo wi epharesese okumi oyo ori okumikumi.

2 Timoteo 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku, oyo akirumalle wi killalleye lonjezo na okumi nno niriihuna mu eyaattano ni Khrisitu Yesu.

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

2 Timoteo 2:13

Nakhalla oohiroromelleya, olliye annakhallave oororomelleya, kaambiiwa khanawora wiikhoota yeekhaaye.”

2 Timoteo 2:15

Ollipihelle okhalla awaakhullelleya vamiitthoni va Mulluku, wonanko mullupa mutteko oohiwulliwa muru ni muttekwaaye, oyo anahuddiha othenga wawoona wa Mulluku.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

Tito 2:7

Weyaano okhalleke echisanzo ya makhallello aphaama mu ddittheddene. Ehuddihwaawo ekhalleke yawoona navettho ohuddiheke moolemu.

Tito 3:7

Sika wi mwa echisomwaaye nilungamihiwe ni Mulluku navettho wi naakhellena okumi woohimalla oyo ninatiyereehu.

1 Yohane 2:25

Khrisitu aalonjeza onivaha okumi woohimalla.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yuda 1:21

Mukhalleke mu echikondi ya Mulluku, mwaatiyeraka okumi woohimalla oyo Apwiya Yesu Khrisitu eneeriiwa yuuvaheni mwa echifundwiiwa.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.

1 Samuele 15:29

Mulluku antitimiho a Aisraele, khanoottha apaalle osintha maganizo. Vawi olliye khe muthu wi ttuusintha maganizo.”