Obadiya 1:7 - Mawu a Mulluku

⁷ awiiwanananaanyu aawiikarani mwiillaponi mwanyu. Athu mwakhalleenyuna mwamurendelle ahuugonjihani, akhwiinyu mwacheenyuna vamodda ahuureyani musampha, enimuunyemullani wi, ‘Ochenjera wiwa ottheene wulle ori wuuwi?’ ”

Obadiya 1:7 Iomraidhean Croise

Masalimo 41:10

Nyu Apwiya, keerelleni echifundo, kichiriheni wi kaahokolloselle ddoonanara athwaayo.

Masalimo 41:9

Naarittho mukhwaaka a vamurimani, oyo kamuroromelleemi, oyo kacheemina, ookiwukila.

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Yeremiya 38:22

atthiyana attheene oohalla mu enyumba yoomwene a o Yuda eneerovelleelliwa wa enduna dda mwene a o Babiloni. Vooyaani o Babiloni, atthiyanaayo eneerekewiipa nchipo nawi, ‘Akhwaawo oororomelleya yahuulleka ni wuugonjiha, meto ddawo ddootora m'matokwini, akhwaawo aahokollweella mutulli.’ ”

Yeremiya 4:30

We Yerusalemu, woopasuliwa, kaambiiwa tini onawareewe ddoofiira, onawareewe ddooreeriha ddagolide, onamareewe otooto miitthwaawo? Oniireerihella nivuddo, awuukondaawo enimuunyemulla, enapaalla ewiiphe.

Yeremiya 49:7

Apwiya Amasiva Mattheene enallota dda Edomu wi, “Ethiyo ezeru ddohaamallella athu a o Tema? Ethiyo athu eezeru olangiza wiwa woomalla? Ethiyo ezeru ddiwanndde ddooriirya?

Maliro 1:19

Kaawiithana ookondananaka, koma alliwa aakitathilla. Allupa mukuthwaaka ni attekweenaaka aakhwa mu muzinda, mvo yaashaashiiwa yoocha wi ephwanyettho masiviiwa.

Hoseya 13:13

Ddoovoreya wonanko dda mutthiyana aamuyaraka mwaana ddineerewaamorella. Koma tti wonanko mwaana oohikhalla ni ezeru, ookhoota okhumella otte va enthawaaye yooyariwa.

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’