Obadiya 1:5 - Mawu a Mulluku

⁵ “Allupa wiiya yaphiyalleke mahiiyu, ddaano ekusallevo ddoopaalleyave. Oohata mpesa yaawiilleke wa nyuwaano, yaweere wuuhiyerani mpesa va enthambi. Koma adanaawo ahuumalliha, oohuuhiyera naari vang'ono.

Obadiya 1:5 Iomraidhean Croise

2 Samuele 1:19

“We Israele, athwaawo ootitimiheya ekhwenlle vamiyaangoni, Mhu! Athu amasiva ekhwille mwawi ddiidda!

Yesaya 14:12

“We thanda, mwaana a ohinase, ngoona mmo omorelleewe ovenyera oddullu. We olle agonjiha mitundu dda athu, wohuuhelliwa vatthi.

Yesaya 17:6

Ooyevave sika enaahallewo wonanko vootikhani muteekho wa olivi vawi ddinnahallavo ezipaso piilli apaalle ddiraru va enthambi ddamuddullu apaallettho ddisese apaalle dditthanu va enthambi ddavatthi. Mi Apwiya Mulluku a Israele koollota.”

Yesaya 24:13

Nndda sika ddineereyelle orive mutundu wa va ellapo yavatthi. Onaakhalle wonanko olivi awuurulla ni mpesa wawuurulla ohata wamalla.

Yeremiya 49:9

Oohata mpesa yaawiilleke wa nyuwaano, yaweere wuuhiyerani mpesa va enthambi. Allupa wiiya yaphiyalleke mahiiyu, ddaano ekusallevo ddoopaalleyave.

Yeremiya 50:23

Ngoonani mmo aphwinyeyelle olle aari wonanko hamala a ellapo yavatthi. Ngoonani mmo Babiloni atthattuwelleeye ello yawoopopiha va mitundu dda athu.

Yeremiya 6:9

Apwiya Amasiva Mattheene yaallota ni miyaano wi, “Wuurulle ni owaakha ddittheddene athu oohalla a Israele wonanko mmo athu eneerelliiwa voovullullani mpesa o enthambi ddiwa.”

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Obadiya 1:9

We Temani, athwaawo amasiva eneerokhumuwa, arive muthu oovenyera o mwaango wa Esau, aneerovenyihiwawo ni wiiphiwa.”

Mika 7:1

Otulli wa miyaano! Kiri wonanko awuurulla oohiphwanyamo ello. Khavihanlle mpesa ddawi ttuucha apaalle namukuyu oyo kinamukondeemi.

Zefaniya 2:15

Yooyo tti muzinda oyo waddeesa wookeraattheya, oyo m'murimani mwiwa wallota wi, “Meeneve, khaavottho mmodda!” Vano ngoonani mmo woonongeyelliiwa! Wootthattuwa ntepe nookhallamo enama ddamuhakani, arive muthu oovira mwemmo aneerekewoopa musoonyo nave aneerekotikha muru.

Deuteronomo 24:21

Mwahata mpesa ddanyu vawaamba, muhuurullekemo. Ddennddo mwaahiyere alleto, akhwaadduni ni anaamukhwelle.

Yawuupullulla 18:10

Eneerewiimella voorekama ekaamba yawoova wi enaakawanena ddoohoosiwa ddaye. Eneerollota wi, “Otulli! Otulli Babiloni! Muzinda woovuwa ni wamasiva! Va enthawi yooyeva woollakiwa ddiidda!”