Obadiya 1:3 - Mawu a Mulluku

³ Makhallellwaawo awiitukhulla ahuulleka, we onakhalla m'mittharini dda malluku we onakhalla vaddullu, we onallota m'murimani mwawo wi, ‘Ttaani anaakikitthihe vatthi?’

Obadiya 1:3 Iomraidhean Croise

Genesis 36:8

Sika Esau oyottho aromolliwa wi Edomu, aaya akhalla mu ellapo yamiyaango dda Seiri.

2 Mamwene 14:7

Vano Amaziya aawiiphattho Aedomu 10,000 o ntapo na Mwiinyu, aakha muzinda wa Shela nave aawuromolla nnddina nawi Yokitele nave nnddina niwa tti nenno ophiyera ollello.

2 Epilli 25:11

Koma Amaziya aallipa murima, aahoollella akhotwaaye, aayaana o ntapo na Mwiinyu nko yawiiphalliiwa athu 10,000 a o Seiri.

2 Epilli 25:12

Athu a o Yuda yahaaphara athu amodda akumi 10,000 nave yaawellana vaddullu Vanllukuni nuullupalli yaavokhella vatthi nave attheenaayo yaanyenyeya.

Yobu 20:6

Naari arekameve, attannyakeve oddullu, eyuumaaye ewelleve ophiyera omiraponi,

Miyambo 16:18

Okota onnahoollella woonongeya nave wiitukhulla onnawiiha omora.

Miyambo 18:12

Okota onnahoollella woonongeya koma wiiyeviha onnakhwaranya olemu.

Miyambo 29:23

Wiitukhulla onnamuyeviha muthu koma a murima wawiiyeviha annariihiwa.

Yesaya 16:6

Athu a o Yuda enallota wi, “Nohiiwa dda wiitukhulla wa Amowabu vawi enniitukhulla wunchichi. Wiinyarulla wiwa, okota wiwa, osimbwa wiwa ni wiiriiha wiwa, ddittheddene khaddinna mutteko.”

Yeremiya 21:13

Nyu ookhalla muntaponi, kinawiipani mullatu nyuwaano ookhalla wonanko nlluku na va ntapo. Nyu munallota wi, ‘Ethiyo ttaani anaanihelle ekhoto. Ttaani anaawore ovollowa m'millakoni mwahu?

Yeremiya 37:9

Mi Apwiya kinuuchenjezani wi muhiillekeke vooganizani wi Ababiloni eneerovenyawo ni wuuhiyani vawi khevenyawo.

Yeremiya 48:28

“Nyu athu a o Mowabu, hiyani mizinda ddanyu! Khaweni mwakhalle variyari va malluku! Mukhalle wonanko ekhunda yoomaka emphuru o mullako wa nikhungu.

Yeremiya 49:16

Wiitukhulla wawo wohuulleka, woopopiha wawo wohuuhollosa, we ookhalla m'mallukuni ni omiyaangoni. Koma naarive omakille enyumbaawo vaddullu wonanko emphuru ya echiwombankhanga kineerewuukitthiha. Mi Apwiya koollota.”

Yeremiya 49:4

Nyu athu oohiroromelleya, kaambiiwa tini muniitukhullella tini ni matapwaanyu? Kaambiiwa tini mwaroromelleenyu eyuumaanyu voollotani wi khaavo anaallipane ni nyuwaano?

Ezekiele 28:16

Vooviheeriwani ni malonda, wahaamba ekhoto ni ochimwa. Sika ekaambiiwa kuuvenyihalleemi omwaangwaaka woopatuleya. Mungelo oyo uuwehera aawiikariha ovenyera o malluku amunllwaalle.

Malaki 1:4

Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’