Obadiya 1:20 - Mawu a Mulluku

²⁰ Akhoto a akaporo oovenyera ompoto wa Israele eneerohokollowa, eneeromugonjiha Kanani ophiyera ompoto wa Zarefati. Akaporo oovenyera o Yerusalemu ayo yaari o Sefaradi eneerewaakha mizinda dda omwera wa Yuda.

Obadiya 1:20 Iomraidhean Croise

Yeremiya 13:19

Mizinda ddanyu ddoomwera ddoowallelliwa otte nave khaavo mmodda anaawore oddihulla. Athu attheene a o Yuda aaphariwa okaporo.”

Yeremiya 3:18

Mallapo yaayo nlloko na Yuda ottakanyiherana ni nlloko na Israele. Attheene vamodda eneerovenyera o ya ompoto oya o ellapo kaavahilleemi makhollwiiwa wi ekhalle yayiwayayiwa.”

Yeremiya 32:44

Athu eneerokulla emata ni makobiri. Makalata eneerosayiniwa ni omarelliwa nave vineerokhalla omboni o echigawo ya Benjamini, o echigawo yawaapheella Yerusalemu, o mizinda dda o Yuda, dda omiyaangoni, ddootapo ni ddoomwera. Ddawoona, kineerewaahokollosella ddaphaama ddiwa. Mi Apwiya koollota.”

Yeremiya 33:13

O mizinda dda omiyaangoni, dda omataponi, dda omwera, dda o echigawo ya Benjamini, dda o echigawo yawaapheella Yerusalemu ni o mizinda dda Yuda enkhosa ddineeroyattho vamiitthoni va muthu ooddeerengella. Mi Apwiya koollota.”

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Ezekiele 36:12

Kineeroweeriha athwaaka, Aisraele wi yeete va nyuwaano. Alliwa eneerokeraattheyamo nave muneerokhalla yoohallaniiwa. Khamuwa muwaakhattho aniiwa.”

Luka 4:26

Namallotella Eliya khaarumihiwe wa mmodda mu Israele koma wa naamukhwelle o etawoni ya Zarefati ellapo ya Sidoni.