Obadiya 1:19 - Mawu a Mulluku

¹⁹ “Athu oovenyera omwera wa Yuda eneerokhalla mu mwaango wa Esau. Oovenyera museresere mwa mwaango wa woovollowa nndduwa eneeromuphara Filistiya. Aisraele eneerohallana ezigawo dda Efuremu ni Samariya, Abenjamini eneeromukusa Giliyadi.

Obadiya 1:19 Iomraidhean Croise

2 Mamwene 17:24

Vatulli viwa, mwene a o Asiriya aawa ni athu ovenyera o mizinda dda Babiloni, Ava, Hamati ni Sefaravaimu aahiya mu mizinda dda Samariya munipuroni mwa Aisraele ayo yaphariwe okaporo. Vano athwaayo yaavollowa mu mizindannddo ddikhalla ddayiwaddayiwa.

1 Epilli 5:26

Sika Mulluku a Aisraele aamweeriha Pulo mwene a o Asiriya oyo nnddina naye nimodda naari Tigilati Pilesere wi aaphare Arubeni, Agadi navettho hafu a nlloko na Manase ni oyaana o Hala, Habori, Hara ni o muhinje wa Gozani nave anakhalla wenko ophiyera ollello.

Ezara 4:17

Vano mwenooyo ahaakhulla voomurumihani kalata wi, “Wa Rehumu enduna, Shimishai namalembella ni akhwiiwa amodda ookhalla mu Samariya ni mu echigawo ya vakhopella va muhinje kinuuvahani mooni.

Ezara 4:2

yaawa wa Zerubabele ni wa oohoollella mabanja ellota wi, “Hankoni nimakellettho nimodda vawi ninnamullapella Mullukwaanyu moophwanaphwana ni mmo muneerelleenyu nave nookhalla nivelleellaka mikutho wa olliye waambeella enthawi ya Ezaradoni, mwene a o Asiriya oyo anipharelle wuno.”

Masalimo 69:35

Mulluku aneeromuvullusa Ziyoni, aneeromakattho mizinda dda Yuda. Athwaaye eneerokhalla wenko, enaakhalle ellapwiiwa.

Yeremiya 32:44

Athu eneerokulla emata ni makobiri. Makalata eneerosayiniwa ni omarelliwa nave vineerokhalla omboni o echigawo ya Benjamini, o echigawo yawaapheella Yerusalemu, o mizinda dda o Yuda, dda omiyaangoni, ddootapo ni ddoomwera. Ddawoona, kineerewaahokollosella ddaphaama ddiwa. Mi Apwiya koollota.”

Yeremiya 49:1

Apwiya enallota dda Amoni wi, “Ethiyo a Israele khenna anamwani aallopwana? Ethiyo khenna awaakhella yoohallana? Kaambiiwa tini vano athu oomullapella Milikomu yaakhilliiwa ellapo ya Gadi nave enakhalla m'mizindani ddaye?

Ezekiele 25:16

Ekaamba ya yeella Afilistaayo kineerewaallaka ni nnatta naka. Kineerewaatthollosa Akereti ni amodda attheene ookhalla mukhwipi mwa enyanja.

Ezekiele 36:28

Muneerokhalla mu ellapo eyo kaavahilleemi makhollwaanyu. Muneerokhalla athwaaka nave miyaano kineerokhalla Mullukwaanyu.

Amosi 1:13

Apwiya enallota wi, “Ekaamba ya ddoolakwa ddiraru dda Amoni apaalle ddisese, ngihiya omullaka, yahaaphulla atthiyana eerukullu o Giliyadi wi yunnuwihe maliriiwa.

Amosi 1:8

Kineerewaavenyihamo ookhalla mu Ashidodi navettho oyo anaalamulelleke o Ashikeloni. Kineerewoononga muzinda wa Ekeroni ni nnatta naka nave Afilisti oohalla eneerewoonongeya.” Mi Apwiya Mulluku koollota.

Amosi 9:12

Enthawi yeeyo Aisraele oohalla eneerogonjiha ddoohalla dda o Edomu vamodda ni mitundu ddittheddene nnddo ddinadduwanyeya ni nnddina naka. Mi Apwiya koollota nave kineereweera killotilleeminndda.”

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Numeri 1:32

Mwa edduullu dda Yosefe, athu a nlloko na Efuremu, yaaweerenga manddina a allopwana attheene oowora owana ekhoto a miyakha 20 oya muhoollo moollikana ni mabanjiiwa navettho makhollwiiwa.

Yoswa 13:25

Malire a Yazere yaari mizinda dda Giliyadi, hafu a nlloko na Aamoni ophiya o Aroere, wookhuma nndduwa wa Raba.

Yoswa 13:31

hafu a Giliyadi ni Ashitaroti ni Ederei, mizinda dduullupalli dda mwene Ogi a o Bashani. Mizinda ddenndda ddaavahiwa wa mabanja a Makiri mwaana a Manase wi ekhalle yoohallaniiwa ya hafu a Amakiri moollikana ni mabanjiiwa.

Yoswa 15:21

Mizinda ddoomwera nnddo yaakhenlliiwa malire ni ellapo ya Edomu ddaari Kabizeele, Edere, Yaguru,

Yoswa 15:33

Mizinda dda museresere mwa Eshitaoli, Zora, Ashina,