Obadiya 1:15 - Mawu a Mulluku

¹⁵ “Nllapo nohaatamella mvo mi Apwiya kinaaweeruzeemi mitundu ddittheddene. Edomu, weerilleewe eneereweereya wa weyaano, oneerohokolloselliwa ddoonanara.

Obadiya 1:15 Iomraidhean Croise

Estere 9:25

Koma Estere aphiyalleeye vamiitthoni va mwene, mwenooyo aalamula voolembani wi ddoopaalla owoononga Ayuda nnddo ekeraatthihalle Hamani, ddimmorelle yeekha nave wi Hamanooyo ni anaaye aallopwana emakellelliwe vamuteekhoni.

Yobu 24:1

Ethiyo Amasiva Mattheene aneeruze enthawi tini? Ethiyo oolungama ehinoonella tini mallapwaayo?

Masalimo 137:8

We muzinda wa Babiloni, oneerewoonongiwa, oodalisiwa tti oyo anaawuhokolloselle ddoonanara nndda oneerelleewe.

Miyambo 5:22

Ddoonanara dda muthu ddineeromuphara yeekha nave aneeromakiwa ni mikwe dda ochimwa waye.

Yeremiya 12:14

Apwiya enallota wi, “Athu oonanara attheene awaatamana ni Israele nave ayo enawaakha ellapo, yoohallana, eyo kaavahilleemi athwaaka kineerewaavenyihamo mu ellapo ddiwa nave kineerovullusa nibanja na Yuda m'mattani mwiwa.

Yeremiya 49:12

“Naari ayo yahiphwanenlle omuwiryella kapu a ollaka, emuwiryelle. Muhiddoottotthe wi nyuwaano sika khemullakiwa. Khe ddiiddo, ddawoona muneerollakiwa nave muneeromuwiryella kapooyo.

Yeremiya 50:29

“Muwiithane attheene oovokha miira, oodduwella ovokha mipaamba wi emuhelle ekhoto Babiloni. Mumwaapheelle ni misasa ddakhoto wi vihithawe naari muthu mmodda. Mullakeni moollikana ni machimwaaye nave mumweerelle ddoollikana ni nnddo aweerenlleeye amodda vawi ahaavevulla Apwiya, Aweella a Israele.

Yeremiya 51:56

Awoononga aamukhumellella Babiloni, akhotwaaye attheene aaphariwa, miira ddiwa ddookothowa. Vallethi Apwiya tti Mulluku oohokollosella, eneerewaahokollosella ddoonanara Ababiloni.

Ezekiele 30:3

Nllapo nohaatamella, nllapo na Apwiya niri vakhuviru. Nllapo namirapo, nllapo na ollakiwa wa mitundu dda athu.

Ezekiele 35:11

Vano mi Apwiya Mulluku kinallota wi, kinimallupella vamiitthoni vaka wi kineeroweerellani nnddo mwaweerelleenyu athwaaka voowoonihellani osha murima wanyu, ehachaanyu ni wiitanana wanyu. Kineerewiidduwanyeyiha variyari viwa kuullakani.

Ezekiele 35:15

Moollikana ni mmo mwahakallallelleenyu ni omora yoohallana ya enyumba ya Israele, miyaano kineeroweerellani emoddamoddave yeeyo. We mwaango wa Seiri ni ellapo ettheene ya Edomu oneerotthattuwa ntepe. Vano athu attheene eneerodduwella wi mi tti Apwiya Mulluku.”

Yowele 1:15

Moowe kookhwa! Nllapo na Apwiya niri vakhuviru, nno Amasiva Mattheene anoonongeyiiwa, ddawoona, nllapo nenno ninaawe ni ddawoopiha!

Yowele 2:1

Ipani nipallapata o Ziyoni, khuwani moochenjeza va mwaangwaaka waweella. Nyu attheene ookhalla mu Yuda tthukumellani vawi nllapo na Apwiya ninimawa, nohaatamella.

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?

Amosi 5:18

Otulli wa nyu munanikhallella munkhella nllapo na Apwiya! Ethiyo munaaphurena tini nllapo nenna? Ninaakhalle nllapo neepiphi ohiri noowala.

Amosi 5:20

Ethiyo khanihiyo nllapo na Apwiya neepiphi ohiri noowala, neepiphi yoottika ohiri noowalesesa?

Mika 5:15

Moowalli ni moonanariwa kineerollaka mitundu ddittheddene dda athu nnddo ddihinakiiwellella.”

Habakuku 2:8

Ekaamba yawi waawaakha athu a mitundu ddinchichi athu oohalla eneerowaakhattho ekaamba yawi woowiipha ni oweerella ekuku athu a va ellapo yavatthi ni mizinda ddiwa.

Mateyu 7:2

Vawi Mulluku aneeroweeruzani moophwanaphwana ni mmo munaaweeruzelleenyu athu amodda navettho aneerophariha mutteko mulingo woophwanaphwana ni oyo munaphariheenyu mutteko wa athu amodda.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.