Obadiya 1:14 - Mawu a Mulluku

¹⁴ Khawaaphwanenlle wiimella vamakhullukano wi mwaaphare athu yapaalla othawa. Khamwaaphwanenlle waavelleella athwiiwa oovulluwa wa adani va nllapo na opaneya wiwa.”

Obadiya 1:14 Iomraidhean Croise

Genesis 35:3

Nineerotthaamawo wuno nave nineeroya o Betele nko kineereemi kamake nikuwa na Mulluku oyo akikaviherille va enthawi ya ddookatamiha ddaka. Vawi olliye sika akhanlle akiweheraka orive weko kayeemiwo.”

Masalimo 31:8

Khamukihiyalle m'mattani mwa adanaaka, koma mookihiya va nipuro namurendelle.

Yesaya 16:3

Enaalleella athu a o Yuda wi, “Munilleelle, mukamulle yawi neere. Nndduwa naphiya va muru munivahe muuthuuchi wookhalla wonanko mahiiyu. Muniipitthihe hiyaano athu awiikarihiwa nave muhinivelleelle hiyaano athu oothawa ekhoto.

Yesaya 16:4

Oothawa ekhoto a o Mowabu ekhalleke variyari vanyu. Mukhalle voovulluwella viwa wa awoonongoolle.” Enthawi enimawa yawi ohoosiwa khokhallavottho, woononga oneeromalla nave oyo aachella matthu va muru aneerovenyamo mwiillaponimmo.

Yesaya 37:3

Alliwaayo yaamulleella Yesaya mawu a Hezekiya awi, “Ollello tti nllapo na ddoohoosa na ollaka ni noowulliwa muru. Niri wonanko mutthiyana eerukullu oyo ari vakhuviru omuyara mwaana koma khanna masiva ooyarella.

Yeremiya 30:7

Otulli! Nllapo nenno tti nuullupalli wunchichi, khaviwa vikhallattho nimodda noophwanaphwanana. Enaakhalle enthawi ya ddoohoosa wa Yakobo, komave aneerovulluwa o ddookatamihannddo.”

Amosi 1:6

Apwiya enallota wi, “Ekaamba ya ddoolakwa ddiraru dda athu a o Gaza apaalle ddisese, ngihiya omullaka. Vawi yaawuphara okaporo mutundu muttheene wa athu eyaana o Edomu.

Amosi 1:9

Apwiya enallota wi, “Ekaamba ya ddoolakwa ddiraru dda Tiro apaalle ddisese, ngihiya omullaka, ngihiya omullaka. Yaawupharella wuukaporoni mutundu muttheene o Edomu, kheyaasungalle echipangano ya echibale yiiwananiiwa.

Obadiya 1:12

Khawaaphwanenlle onyemulla otulli wa mbalaawo. Khawaaphwanenlle othapella woonongiwa wa athu a o Yuda. Khawaaphwanenlle waattheya mvo yaariiwa mu ddookatamiha.

Mateyu 22:9

Vano khaweni omisewuni nave mwawiithanelle omachellelloninngu athu attheene munaaphwanyeenyu.’