Numeri 9:20 - Mawu a Mulluku

²⁰ Enthawi emodda murapooyo wakhuneella va mallapo ooyeva yaanakhalla vanipuronimvo mallapo ooyeva moollikana ni lamulo na Apwiya. Vano yaanatimulla olendo Apwiya yalamula.

Numeri 9:20 Iomraidhean Croise

Masalimo 48:14

“Mullukwaahu tti awi ddiidda, tti Mullukwaahu waambeella enthawi yoohimalla, tti oohoollellaahu wa enthawi yoohimalla.”

Miyambo 3:5

Aroromelle Apwiya ni murimaawo muttheene. Ohinaroromellaka nnddo onaganizeewe wi onnadduwella.

Miyambo 3:6

Owaakhullelleke Apwiya mu erive ello nave eneerewookolla ettilla ddawo.

Numeri 10:13

Wenngu waari wawaamba wi Aisraele etimulle Apwiya elamulalle oweella mwa Mose.

Numeri 9:18

Aisraele yaanatimulla olendwiiwa Apwiya yaalamula nave yaanatthipella misasa ddiwa Apwiya yaalamula. Erive enthawi murapooyo wakhalla vamusasanimvo, alliwa yaanakhallave vanipuroni vaavo.

Numeri 9:19

Naari murapooyo wakhuneella musasooyo enthawi yoorekama vaddullu va musasooyo, Aisraele yaanasungave lamulo na Apwiya nave kheyaatimullavo.

Numeri 9:21

Enthawi emodda murapooyo waanakhuneella musasooyo waambeella misikuwa ophiyera ohinase. Ohinase murapooyo wawella alliwa yaanatimulla. Enthawi emodda murapooyo waanakhuneella musasooyo otthaana otthewene ni mahiiyweene koma wawella alliwa yaanatimulla olendwiiwa.

Deuteronomo 7:21

Muhiwoove athu yaalla. Apwiya Mullukwaanyu eri variyari vanyu nave alliwa tti Mulluku muullupalli oophwanella omoova.