Numeri 9:16 - Mawu a Mulluku

¹⁶ Moohihiyerera murapooyo waanakhuneella musasa wamutthukumanooyo otthaana nave mahiiyu waanakhalla ni mooneyello amunllo.

Numeri 9:16 Iomraidhean Croise

Nehemiya 9:12

Otthaana, mwaanaahoollella ni murapo, mahiiyu mwaanaahoollella ni munllo.

Nehemiya 9:19

ekaamba ya echifundwaanyu yuullupalli khemwaahiyalle muchipululuni. Murapo oyo waahoollella otthaana ni munllo waahoollella mahiiyu, khewaavenyillevo.

Masalimo 105:39

Apwiya yaahiya murapo wi waahuruwelleke, munllo wi waamolleelleke mahiiyu.

Masalimo 78:14

Otthaana aahoollella ni murapo, mahiiyu ni owala wa munllo.

Eksodo 40:34

Murapo waakhuneella musasa wamutthukumano nave ntitimiho na Apwiya naaddalla musasooyo.

Eksodo 40:38

Va olendwiiwa muttheene, Aisraele yaanoona murapo wa Apwiya va musasa enthawi ya otthaana ni munllo m'muraponi enthawi ya mahiiyu.

1 Akorinto 10:1

Asinnaka ni arokoraka, kinapaalla wi muupuwelle ddaweereyelle makhollwaahu. Attheene yaari m'muuthuuchini wa murapo nave attheene yaallapuwa Enyanja Yoofiira.

2 Akorinto 5:19

Sika Mulluku ahaattana ni ellapo yavatthi ettheene oweella mwa Khrisitu nave khaawerengelle machimwiiwa. Nave aaniinya othenga wawi nikhalleke mwawaattana wi niwullalleye.

Deuteronomo 1:33

ayo enthawi ddittheddene yahoolla va olendwaanyu wi yuuphwanyelleni khalleve nipuro nootthipellavo misasa ddanyu. Alliwa yaanuuhoollellani mwawooneya wonanko munllo mahiiyu nave wonanko murapo otthaana.”

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.