Numeri 9:13 - Mawu a Mulluku

¹³ Koma muthu aahiiripiha apaalle aahikhalla voolendoni koma akhoota ochana Ehakallallo ya Paska yooyo avenyihiwe variyari va Aisraele kaambiiwa khaawiille ni ddoovelleella ddaye wa Apwiya va enthawiiwa. Yooyo aneerollakiwa ekaamba ya nichimo naye.

Numeri 9:13 Iomraidhean Croise

Genesis 17:14

Mullopwana oohiphaddiwa kheerengelliwaka ni athu a mutundwaaye kaambiiwa ootathilla echipanganwaaka.”

Eksodo 12:15

Vano Apwiya yaallota wi, “Mumucheke buledi oohikhalla ni yisiti wa mallapo matthanu ni meelli. Va nllapo nawaamba mumuvenyiheke yisiti muttheene mu enyumba ddanyu vawi arive muthu oyo anaamuche buledi ookhalla ni yisiti va mallapo matthanu ni meellaalla aneerovenyihiwa variyari va Aisraele.

Eksodo 12:19

Va mallapo matthanu ni meelli mattheenaayo, mpa mwanyu muhiphwanyeyekettho yisiti kaambiiwa arive muthu oyo anaache yoocha yookhalla ni yisiti, aneerovenyihiwa variyari va Aisraele, mulleto apaalle Muisraele.

Eksodo 12:47

Aisraele attheene yeereke ehakallallo yeella.

Eksodo 30:33

Arive muthu anaapange makhura mamodda oophwanaphwanana apaalle omuzozella muthu shisha aneerovenyihiwa variyari va athwaaka.’ ”

Eksodo 30:38

Muthu mmodda apanga lubani noophwanaphwana ni nenna wi aphariheke mutteko, avenyihiweke variyari va athwaaka.”

Ezekiele 23:49

Eneerollakiwa ekaamba ya makhallellwiiwa ooraruwa nave eneerohoosiwa ekaamba ya nichimo noollapella mafano.” Vano eneerodduwella wi mi tti Apwiya Mulluku.

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Levitiko 17:4

koma woohiwaana va mullako musasa wamutthukumano wi ekhalle yoovelleella wa Apwiya, muthooyo oottatthamulla mullatu wa nikhame kaambiiwa oomoriha nikhame. Muthu yooyo avenyihiwe variyari va Aisraele.

Levitiko 20:20

Muthu akona ni mwaara a mwanamunniwa a attiitthinnya, oomurulla mwanamunniwa aattiitthiinnyooyo. Eelliinaayo eneerewiireya va muru machimwiiwa nave eneerokhwa ehinna anamwani.

Levitiko 22:9

Sika allupa mukutho esunge malamulwaaka wi ehichimwe nave ehikhwe ekaamba yooripaha malamulwaayo. Mi tti Apwiya ayo enaapatula.

Levitiko 24:15

Vano waalleelle Aisraele wi, ‘Arive muthu oomutembelela Mulluku machimwaaye ekhalle vamuruni vaye.

Numeri 19:13

Oyo anaattannye mutembo nave aahiddeelliha, muthu yooyo anaripiha musasa wa Apwiya, sika aneerovenyihiwa variyari va Aisraele. Aneerokhallave ooripihiwa ekaamba yawi khamiddiwe maaddi aweellihella.

Numeri 19:20

“Koma muthu ooripihiwooyo aahiddeelliha avenyihiwe variyari va Aisraele vawi ooripiha nipuro noopatuleya na Apwiya. Olliye tti ooripihiwa ekaamba yawi khemmiddalle maaddi aweellihella.

Numeri 5:31

Mullopwana khakhalla ni mullatu koma mwaariye sika anaaphwanelle ollakiwa.”

Numeri 9:7

ellota wi, “Hi tti ooripihiwa ekaamba yoottannya. Kaambiiwa tini ninawatteellihiweehu owa ni ddoovelleella wa Apwiya va enthawi yoophwanellella variyari va Aisraele akhwiihu?”

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Aheberi 6:6

Koma yahiya echikhulupililwiiwa tti woohiworeya wi erukunuwettho murima kaambiiwa enakhalla wonanko enimamutthomeyattho Mwaana a Mulluku vamutandani, enamunyaambusa vamiitthoni va athu.

Aheberi 9:28

Emoddamoddave yeeyo Khrisitu aaheraatthiwa mukutho omodda wi atukhulle ni ohuwa machimo a athu anchichi. Aneeroowa wiilli oohikhalla wi eellihe machimo koma aavulluse ayo enamutiyera.