Numeri 7:89 - Mawu a Mulluku

⁸⁹ Vano Mose avollowille mu musasa wamutthukumano wi allote ni Apwiya, aawiiwa ellotoka mawu ovenyera va yookhuneelleeyo, variyari va akerubi* va nibokosi na echipangano.

Numeri 7:89 Iomraidhean Croise

1 Mamwene 6:23

Ahaapanga akerubi* eelli a muteekho wa olivi awiimesa mu echipinda yamuwari wunchichi. Arive mukerubi aari oorekama mamita masese ni hafu.

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!

Eksodo 40:34

Murapo waakhuneella musasa wamutthukumano nave ntitimiho na Apwiya naaddalla musasooyo.

Eksodo 40:35

Mose khaaworille ovollowa kaambiiwa murapooyo waari mwemmo nave ntitimiho na Apwiya naaddalla mu musasooyo.

Levitiko 1:1

Apwiya yaariiwa mu musasa wamutthukumano yaamwiithana Mose, emulleella wi

Numeri 1:1

Apwiya yaallota ni Mose mu echipululu ya Sinai, mu musasa wamutthukumano, nllapo nawaamba na mweeri waneepiilli, muyakha waneepiilli ekhumalle mu ellapo ya Iguputo. Nave yaamulleella wi,

Numeri 11:17

Miyaano kineerokittha wi killote ni weyaano wenko. Kineerewaakawella munepa mmoddamoddave yooyo kuuvahilleemi. Nave alliwa eneerewuukavihera wiireya katundu a athwaayo wi ohiireyeke weekha.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Numeri 8:1

Apwiya yaamulleella Mose wi,

Aheberi 4:16

Sika hankoni moohikayikella naatamelle o mpando woomwene wa Mulluku nko ori echisomo wi naakhelle echifundo, echisomo ni nikavihero mu enthawi yoophwanellella.

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

1 Samuele 4:4

Vano yahaaruma athu oya o Shilo wookusa nibokosi na echipangano na Apwiya Amasiva Mattheene ayo enakhalla va akerubi.* Anamwani a Eli, Hofini ni Finehasi yaaya nimodda ni nibokosinne omisasani ddakhotonndde.