Numeri 7:15 - Mawu a Mulluku

¹⁵ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

Numeri 7:15 Iomraidhean Croise

Yesaya 53:4

Ddawoona, olliye yeekha aatukhulla ethakaraka ddahu, ni wiireya ereta ddahu. Koma khenaamweesa wi tti oollakiwa, awuukuthiwa ni oohoosiwa ni Mulluku.

Numeri 7:14

Aavelleellattho muchecho mmodda wa golide woollemella magaramu 110, wooddalla ni lubani.*

Numeri 7:16

Aavelleellattho nankhoro a epuri emodda wi okhalle mukutho woopepesella machimo.

Mateyu 20:28

wonanko mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Aroma 10:4

Vawi Khrisitu ookwakhwaniha malamulo wi arive muthu anakhulupilila alungamihiwe vamiitthoni va Mulluku.

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

1 Timoteo 2:6

oyo iivelleelle yeekhaaye wi amoopolle arive muthu. Woopollanngu sika omboni waavelleelliwe va enthawi yoophwanellella.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.