Numeri 6:14 - Mawu a Mulluku

¹⁴ nave olliye avelleelle mikutho wa Apwiya. Amuvelleelle nankhoro a mwaanaankhosa a muyakha mmodda oohirakalla wi akhalle mukutho wooshellelliha, enkhosa yaamutthiyana yoohirakalla wi ekhalle mukutho woopepesella machimo nave nankhoro a enkhosa yoohirakalla wi ekhalle mukutho wa eyaattano.

Numeri 6:14 Iomraidhean Croise

1 Epilli 15:26

Voopaallani wi Mulluku aakavihere Alevi ootukhulla nibokosinno, athwaayo yaavelleella mukutho wa anankhoro eeng'ombe atthanu ni eelli ni anankhoro eenkhosa atthanu ni eelli.

Masalimo 66:15

Kineerovelleella mikutho ddooshellelliha dda enama ddooneneva, mwiisi wa mukutho wa anankhoro a enkhosa oneerophiya wa nyuwaano, kineerovelleella mikutho dda anankhoro a eng'ombe ni a epuri.

Levitiko 14:10

“Va nllapo naneetthanu ni raru, muthooyo aakuse anamwani a nankhoro a enkhosa eelli oohirakalla, mwaanaankhosa aamutthiyana mmodda oohirakalla amuyakha mmodda, yoovelleella ya othu waphaama woollemella makilogaramu mararu woottakanyihera ni makhura navettho makhura ookwakhwana nimodda mwa magawo mararu a nilita.

Levitiko 3:6

“Arive muthu aawaaka wa Apwiya wi avelleelle mukutho wa eyaattano, mukuthweene wakhalla wa enkhosa, ekhalleke nankhoro apaalle yaamutthiyana, yoohirakalla.

Levitiko 4:27

“Arive muthu ashisha achimwa moohidduwella erive ello yoovaanyihiwa ni malamulo a Apwiya, muthooyo akhalle oochimwa,

Levitiko 4:32

“Muthu awa wi avelleelle enkhosa ya mukutho woopepesella machimo, enkhoseeyo ekhalleke yaamutthiyana, yoohirakalla.

Numeri 15:27

“Muthu mmodda achimwa moohidduwella, avelleelle epuri yaamutthiyana ya muyakha mmodda wi ekhalle mukutho woopepesella machimo.

1 Petro 1:19

Koma mwahoopolliwa ni nikhame noowallamella na Khrisitu oyo aari wonanko mwaanaankhosa oohikhalla ni nipamba naari oohirakalla.