Numeri 6:12 - Mawu a Mulluku

¹² Ivellelleelle wa Apwiya wi akhalle Munaziri wa enthawi yoophwanaphwana ni elle allupenlleeye vawaamba. Vano aweena nankhoro a mwaanaankhosa a muyakha mmodda wi avelleelle mukutho woolliva. Nave mallapo a wiivelleella waye wawaamba wulle ahineerengella kaambiiwa aaripiha wiivelleellanko.

Numeri 6:12 Iomraidhean Croise

Eksodo 12:5

Mwaanaankhosa apaalle musaanaapuri akhalle ohirakalla, aamullopwana navettho a muyakha mmodda. Ttuuwora waatthoollattho anamwani a epuri.

Ezekiele 18:24

“Koma muthu oolungama atthattuwa oonanara, aneera ddoonanara ddoohiyanahiyana nnddo athu oonanara eneeriiwa, ethiyo muthu awi ddiidda ttuukhalla ni okumi? Iyaayi, ddaphaama ddittheddene khaddiwa dduupuwelliwa. Vawi aweera ddoonanara nave oochimwa aneerokhwa.

Levitiko 14:24

Mullupa mukutho amukuse mwaanaankhosa oovelleella mukutho woolliva ni makhuraalla nave additukhullelle muddullu wi ekhalle yoovelleella yootukhullella muddullu vamiitthoni va Apwiya.

Levitiko 5:6

Sika awe wi avelleelle wa Apwiya mukutho, ekaamba ya nichimo nayenno. Mukuthweene okhalle wa enkhosa yaamutthiyana apaalle epuri yaamutthiyana. Mwawi ddiidda mullupa mukutho aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Levitiko 5:7

“Koma muthu aahikhallana enkhosa apaalle epuri, akuse manddiya meelli apaalle mawunda meelli wi ddikhalle mukutho woovelleelliwa wa Apwiya woopepesella machimo. Emodda ekhalle mukutho woopepesella machimo nave emoddeeyo ekhalle mukutho wooshellelliha.

Numeri 6:11

Mullupa mukuthooyo avelleelle emodda wi ekhalle mukutho woopepesella machimo, emoddeeyo ekhalle ya mukutho wooshellelliha. Sika amweerelle mutetho woomupepesella machimwaaye kaambiiwa aalakwa vawaatamellani mutembooyo. Nllapo nenno iivelleelle wiilli wa Apwiya voohiyani meehaaye wi yunnuweke.

Numeri 6:13

“Lamulo na Munaziri va nllapo na omalla wa wiivelleella waye eweena va mullako wa musasa wamutthukumano

Mateyu 24:13

Koma oyo anaavillelle ophiya o mamallihello, aneerovulluwa.

Mateyu 3:15

Koma Yesu aamwaakhulla wi, “Waakhullelle vano vawi mwawi ddiidda nineerokwakhwaniha echilungamo ettheene.” Vano Yohane ahaakhullella.

Yakobo 2:10

Oyo anathwara malamulo mattheene koma apwesa lamulo nimodda, oopwesa malamulo mattheene.

2 Yohane 1:8

Vano muchenjere wi muhitathille eyo napharelleehu mutteko sika wi muneerothuviwa wamututha.