Numeri 5:9 - Mawu a Mulluku

⁹ Nave ddoovelleella ddittheddene ddoopatuleya dda Aisraele nnddo enawaaniiwa wa mullupa mukutho ddikhalle ddaye.

Numeri 5:9 Iomraidhean Croise

Eksodo 29:28

Aisraele yavelleella mikutho ddeeyaattano, ddenndda ddikhalle dda Aroni ni anaaye enthawi ddittheddene vawi tti ddoovelleella dda Aisraele wa Apwiya.

Levitiko 10:13

Muwuchelle vanipuroni noopatuleya kaambiiwa yoolla tti echigawaanyu ovenyera va mikutho ddawoosiwa viikho ddoovelleelliwa wa Apwiya wi okhalle waanyu, weyaano ni anaawo. Ddenndda tti nnddo Apwiya yakilamulalliiwa.

Levitiko 10:14

Koma ekhakadda yoovelleella mootukhullella muddullu ni mweto wamutulli woovelleelliwa, muddichelle vanipuroni noopatuleya weyaano ni anaawo aallopwana ni aatthiyaneene ayo eri ni weyaano. Ddenndda ddoovahiwa wa weyaano wi ddikhalle ddaawo ni anaawo ovenyera va mikutho ddeeyaattano nnddo ddivelleelliwe ni Aisraele.

Levitiko 10:15

Kasambara, ekhakadda ni mukutho wamakhura awoosiwa viikho odditukhullelle muddullu wi ekhalle yoovelleella yootukhullella muddullu vamiitthoni va Apwiya. Ddenndda ddikhalle ddaawo ni edduullu ddawo ddeellopwana wa enthawi yoohimalla moollikana ni mmo Apwiya yalamulelliiwa.”

Levitiko 6:26

Mullupa mukutho oyo anaayiheraatthi enameeyo, ache enameeyo vanipuroni noopatuleya sika wi vanthatoni na musasa wamutthukumano.

Levitiko 7:32

Mullupa mukutho avahiweke mweto wamuhoollo wonnattanatta.

Levitiko 7:34

Sika Apwiya aatthoolla ekhakadda yoovelleelliwa mootukhullelliwa muddullu ni mweto wamutulli wi ddikhalle dda Aroni ni anaaye wonanko embali ya mukutho wa eyaattano wa enthawi ddittheddene.

Numeri 18:19

“Ddoovelleella ddoopatuleya ddittheddene nnddo Aisraele enaddivelleelliiwa wa Apwiya kohuuvaha weyaano, anaawo aallopwana ni anaawo aatthiyana ayo eri ni weyaano. Ddennddo ddikhalle ddaawo. Yeella sika echipangano ya wa enthawi yoohimalla variyari va mi Apwiya ni weyaano ni edduullu ddawo.”

Numeri 31:41

Mose aavelleella wa Eleazara echigawo ya Apwiya moollikana ni mmo Apwiya yamulamulelliiwa Mose.

Numeri 5:8

Koma akhalla muthu iiphiwe nave khanna mbalaaye wi aakhelle ddeko ddoohokollosiwa munipuroni mwa ddawoonongeyannddo, avelleelle ddoohokollosiwannddo wa Apwiya wi ddikhalle dda mullupa mukutho, waanjerera va nankhoro a enkhosa awoopollella oyo eneerelliiwa mutetho woopepesella machimwiiwa.

Deuteronomo 12:26

Ddoovelleella ddanyu nnddo mwaapatulelleenyu Apwiya ni emphaso ddanyu nnddo mwallupenlleenyu, ddittheddenennddo muyeena wa Apwiya va nipuro nno enaatthoolliiwa.