Numeri 4:33 - Mawu a Mulluku

³³ Yoolla tti mutteko wa a Merari mu musasa wamutthukumano nave oowehera muttekoolla akhalle Itamara, mwaana a Aroni.”

Numeri 4:33 Iomraidhean Croise

Eksodo 38:21

Ella sika echiwerengero ya golide, siliva ni mukuwa nnddo yaddipharihiiwa mutteko voopangani musasa wamutthukumano moollikana ni mmo Mose alamulalleeye. Alevi sika yaari ni odindo wooddeerenga nave aahoollella tti Itamara, mwaana a Aroni mullupa mukutho.

Yesaya 3:6

Enthawi yeeyo muthu aneerekompharella mmbale a mpa mwa attiitthinnya ni omulleella wi, “We wookhalla ni mukanjo sika okhalle oohoollellaahu nave ntepenna nikhalle m'mattani mwawo.”

Numeri 4:28

Yoolla tti mutteko wa Agereshoni mu musasa wamutthukumano nave oowehera muttekoolla akhalle Itamara, mwaana a Aroni.

Numeri 4:32

Yaatukhulleke apoto ni ekhomo ddiwa, mikwe ddiwa, owaakattho ezipangizo ddiwa ddittheddene, dda mpanda wa nthato. Nave omulleelle arive muthu eyo anaatukhullekeeye.

Numeri 4:34

Vano Mose ni Aroni ni oohoollella a athwaayo yaaweerenga Akohati moollikana ni mabanjiiwa navettho makhollwiiwa.

Numeri 7:8

Amerari aawinnya magareta masese ni eng'ombe dditthanu ni ddiraru moollikana ni mitteko ddiwa. Oowehera mutteko wa a Agereshoni ni a Amerari aari Itamara, mwaana a Aroni.

Yoswa 3:6

Osaka wene Yoswa ahaalleella allupa mukutho wi, “Tukhullani nibokosi na echipangano na Apwiya, mullapuwe, mwaahoollelle athwaayo.” Alliwaayo yaheera moollikana ni mmo Yoswa allotelleeye.