Numeri 4:3 - Mawu a Mulluku

³ Muweerenge allopwana a miyakha 30 ophiyera a miyakha 50, attheene ayo enaarumeyelleke va mutteko wa mu musasa wamutthukumano.

Numeri 4:3 Iomraidhean Croise

Genesis 41:46

Yosefe aari ni miyakha 30 mvo Farao amutthattusalleeye enduna yuullupalli ya Iguputo. Nave Yosefe aatimulla, aamba weetella ellapo ettheene.

2 Samuele 5:4

Davide aari ni miyakha 30 avolloweeye omwene. Nave aalamulella miyakha 40.

1 Epilli 6:48

Nave Alevi amodda sika yatthoolliwe wi ephareke mitteko ddimodda dda mu enyumba ya Mulluku.

2 Epilli 31:17

Allupa mukutho yaalembiwa moollikana ni mabanja a makhollwiiwa. Alevi yalembiwa waambeella a miyakha 20 oya muhoollo moollikana ni muttekwiiwa ni milloko ddiwa.

Ezara 3:8

Vano m'muyakha waneepiilli ephiyalle onipuroni na enyumba ya Mulluku o Yerusalemu mu mweeri waneepiilli, Zerubabele mwaana a Shealatiele ni Yeshuwa mwaana a Yozadaki yahaamba mutteko vamodda ni abaliiwa amodda, allupa mukutho, Alevi ni athu attheene yawiille o Yerusalemu ovenyera wuukaporoni. Yahaatthoolla Alevi awaambeella miyakha 20 oya muhoollo wi ewehereke mutteko woomakattho enyumba ya Apwiya.

Numeri 1:3

Weyaano ni Aroni muweerenge athu, mulloko ni mulloko ovenyera a miyakha 20 oya muhoollo, sika wi athu attheene oowora owana ekhoto.

Numeri 1:50

Koma waakuse Alevaayo wi epwatheke musasa wamutthukumano wa omboni, ezipangizo ddiwa ni ddittheddene ddiri mwemmo. Ewutukhulleke musasooyo ni ezipangizo ddiwa nave ewupwatheke. Misasa ddiwa edditthipelleke moowaapheella musasa wamutthukumanooyo.

Numeri 16:9

Ethiyo khadduukwakhwanelleni ddawi Mulluku a Israele ahuupatulani mu mulloko wa Aisraele wi muwe vakhuviru ni Apwiya wi mumurumeyelle o musasaaye wi muwiimellelleke ni waakavihera athu?

Numeri 4:2

“Mwa Edduullu dda Levi muweerenge Akohati moollikana ni mabanjiiwa navettho makhollwiiwa.

Numeri 4:23

Oweerenge allopwana waambeella a miyakha 30 ophiyera a miyakha 50, attheene ayo enaarumeyelleke mu musasa wamutthukumano.

Numeri 4:30

Oweerenge allopwana waambeella a miyakha 30 ophiyera a miyakha 50, attheene ayo enaarumeyelleke mu musasa wamutthukumano.

Numeri 4:35

Yaaweerenga allopwana waambeella a miyakha 30 ophiyera a miyakha 50, attheene ayo enaarumeyelleke o musasa wamutthukumano.

Numeri 4:4

Mutteko oyo Akohati enaapharekiiwa mu musasa wamutthukumano tti opwatha ddeko ddoopatuleyesesa.”

Numeri 4:47

waambeella allopwana a miyakha 30 ophiyera a miyakha 50, attheene ayo yarumeyella voopharani mutteko woomutukhulla katundu a mu musasa wamutthukumano.

Luka 3:23

Yesu aphiyalleeye miyakha 30 ahaamba muttekwaaye woohuddiha. Athu yaaganiza wi aari mwaana a Yosefe, oyo aari edduullu ya Eli,

1 Timoteo 1:18

Timoteo, mwanaka, kinavelleella lamulonna wa weyaano moollikana ni mawu a yoollotelliwa khalle dda weyaano. Mawu yaayo yuukavihere owana ekhoto yaphaama,

1 Timoteo 3:1

Mawaalla tti oororomelleya awi muthu aapaallaka okhalla oohoollella mpingo annapaalla mutteko waphaama.

1 Timoteo 3:6

Akhalle oowaraalla mu echikhulupililo wi ahiitukhulleke woova wi anaallakiwe wonanko mmo Satana aallakelliweeye.