Numeri 4:12 - Mawu a Mulluku

¹² Ekuse ezipangizo ddittheddene nnddo enapharihiiwa mutteko mu nipuro noopatuleya, eddihuruwelle ni ekuwo yabululu, eddikhuneelle ni mattapara awoollowa nave eddihiye va yootukhullelliiwa.

Numeri 4:12 Iomraidhean Croise

1 Epilli 9:28

Amodda mwa Alevi yawehera eziwiya dda va mallapello vawi waari woopaalleya weerenga apaalle voohokollosani vooddikhumihani.

1 Epilli 9:29

Amodda mwa alliwaayo yaatthoolliwa wi ewehereke mipando ni eziwiya ddittheddene ddoopatuleya. Amodda yawehera othu waphaama, vinyo, makhura, lubani* ni ddeko ddawunkhella.

2 Epilli 4:11

Huramu aapangattho epalli, mafosholo ni mabeseni manchichi. Sika aamalliha muttekwaaye muttheene woomumakella Solomoni enyumba ya Mulluku.

2 Epilli 4:16

Epalli, mafosholo ni mabeseni nnddo Huramuabi amoopelleeye Solomoni wi ddikhalle ddoopharihella mutteko mu enyumba ya Apwiya ddaari ddamukuwa woonyezimella.

2 Epilli 4:19

Sika Solomoni aapanga ddoopharihella mutteko ddittheddene nnddo ddaari mu enyumba ya Mulluku monga nikuwa nagolide, matebulo agolide mvo vakhalla buledi oovelleelliwa wa Mulluku

2 Epilli 4:22

Ddoothiimihella enyali, mabeseni, embale ddawoosellamo lubani* navettho eziwaya ddoovallella munllo ddaari ddagolide aphaama. Nave aapangiha ddoomakella machiwi a enyumba ya Apwiya, machiwi a muwari oovollowella o nipuro naweellesesa ni machiwi oovollowella o enyumba ya Apwiya, ddittheddenennddo ddaari ddoohuruwelliwa ni golide.

Eksodo 25:5

mattapara awoollowa a nankhoro a enkhosa ooruweyiwa mu otooto woofiira, mattapara mamodda awoollowa, matabwa akesha,

Eksodo 25:9

Emake musasa navettho ehiyemo ezipangizo ddittheddene moollikana ni mmo kinawoonihelleemi.”

Eksodo 31:10

ddoowara ddaphaama wunchichi ni ddoopatuleya dda Aroni ni anaaye enaawarekiiwa voorumeyellani,

Numeri 3:8

Epwatheke ezipangizo ddittheddene dda mu musasa wa wamutthukumano nave yarumeyelleke wenko munipuroni mwa Aisraele attheene.

Numeri 4:11

Yaannddellelle ekuwo yabululu va nikuwa nagolide nave eyiikhuneelle ni mattapara awoollowa nave ehereremo ekopo ddiwa.

Numeri 4:13

Evenyihevo ntuura vanikuwani nave yaannddellellevo ekuwo yoofiira.

Numeri 4:6

Vatulli viwa ekhuneelle ni mattapara awoollowa nave vaddullu viwa yaannddellellevo ekuwo yabululu nave ehereremo ekopo ddiwa.

Numeri 4:7

Nave vatebuloni a buledi oopatuleya yaannddellellevo ekuwo yabululu, ehiyevo embale ddiwa, ebakuli, mino, mabeseni oopaalleya va mikutho dda ddoowirya nave buledi oyo anaakhalleke vaavo enthawi ettheene.

Numeri 4:9

Ekuse ekuwo yabululu nave ekhuneellena yoohiyavo enyali ni enyali ddiwa, ddoopanella ddiwa, embale yoohiyamo ntuura ni ezipangizo ddiwa ddittheddene ddoohellamo makhura.