Numeri 34:3 - Mawu a Mulluku

³ echigawo yoomwera ya ellapwaanyu enaambeelle o echipululu ya Zini othwara malire a ellapo ya Edomu. Maliraanyu oomwera enaambeelle wookhuma nndduwa nko okomelle Enyanja Yookhwa.

Numeri 34:3 Iomraidhean Croise

Genesis 14:3

Mamwene matthanwaalla yahiiwanana ni akhotwiiwa mu ntapo na Sidimu, (o Enyanja Yookhwa).

Eksodo 23:31

Kineerokeraatthiha ellapwaanyu ovenyera o Enyanja Yoofiira ophiya o enyanja ya Afilisti navettho ovenyera o echipululu ophiya o muhinje wa Yufurate. Kineeroweerihani wi mwaagonjihe athu ookhalla mu ellapweeyo nave muneerowiikariha.

Ezekiele 47:13

Mi Apwiya Mulluku kinallota wi, “Alla malire munaawathwarekeenyu vawaakawellani ellapo Aisraele, malloko khumi ni meellaalle. Yosefe aakhelle ezigawo piilli.

Ezekiele 47:8

Vano aakilleella wi, ‘Maaddi yaalla enaya o echigawo ya wookhuma nndduwa wa ellapo yoophiya o ntapo na Araba. Vookomihellani eneerewiithellella mu Enyanja Yookhwa mmo maaddiiwa eri amwiinyu nave maaddaayo eneeroddiva.

Numeri 13:21

Sika yaaya yazonda ellapweeyo waambeella o echipululu ya Zini ophiya o echipululu ya Rehobu vakhuviru ni voovollowella mu Hamati.

Yoswa 1:4

Ovenyera o echipululu, omwera ophiya o miyaango dda Lebanoni, ompoto ovenyerattho o muhinje muullupalli wa Yufurate wookhuma nndduwa ophiya o Enyanja Yuullupalli woovollowa nndduwa ni ellapo ettheene ya Ahiti enaakhalle ellapwaanyu.

Yoswa 3:16

maaddi mattheene yahiimella ehineeta. Maaddi a omwaako yahuukaana wonanko esiri yoorekama ovenyera o Adama vakhuviru ni muzinda wa Zaretani. Maaddi ooya mu enyanja ya Araba eyo yeeriwa Enyanja Yookhwa yaawelleella nave athu yaallapuwella ekhopella emodda vakhuviru ni muzinda wa Yeriko.