Numeri 33:54 - Mawu a Mulluku

⁵⁴ Muneerewaakhella ellapweeyo wi ekhalle yoohallanaanyu mwawoombesa moollikana ni mabanjaanyu. Nlloko nuullupalli naakhelle nipuro nuullupalli nave nlloko ning'onong'ono naakhelle nipuro ning'onong'ono. Muthu avahiweke nipuro nno woombesanko onaamumorelliiwa. Muneerewaakhella nipuro wi nikhalle yoohallanaanyu moollikana ni malloko a makhollwaanyu.

Numeri 33:54 Iomraidhean Croise

Numeri 35:8

Mwaawaavahaka Aisraele mapuro yaalla wi ekhalle wonanko yoohallaniiwa, mukuse mizinda ddinchichi wa malloko muullupalli nave mizinda ddooyeva wa malloko mang'onong'ono. Nirive nlloko ninaavelleelle wa Alevaayo moollikana ni wunnuwa wa nipuro naakhenlliiwa.

Yoswa 13:6

Vookhallattho ellapo ya Asidoni ayo yakhalla mu echigawo yamiyaango ya Lebanoni ni ya Misirefoti Maimu. Athu attheenaayo mi Mulluku kineerowiikariha vamiitthoni va Aisraele. Waakawelle Aisraele ellapo yeella wi ekhalle yoohallaniiwa moollikana ni mmo kuulamulalleemi.

Yoswa 14:2

Moollikana ni nnddo Apwiya yamulamulalliiwa Mose, ellapo ettheene yaakawiwa wa malloko matthanu ni masese owaaka hafu mwawoombesa.

Yoswa 18:11

Mabanja a nlloko Benjamini yahaakhella ellapo ya variyari va Yuda ni Yosefe.