Numeri 33:53 - Mawu a Mulluku

⁵³ Mwaakhe ellapweeyo wi ekhalle yaanyu nave mwakhalleke mwemmo vawi kohuuvahani wi ekhalle yaanyu.

Numeri 33:53 Iomraidhean Croise

Genesis 15:7

Sika Apwiya yaamulleella Abramu wi, “Mi tti Apwiya oyo kuukhumihalle o Uri a o Babiloni wi kuuvahe ellapweella wi ekhalle yaawoyaawo.”

Masalimo 115:16

Oddullu tti wa Apwiya, koma ellapo yavatthi aayivaha wa athu.

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 4:32

Oneerewiikarihiwa variyari va athu nave onaakhalleke ni enama ddamuhakani. Onaacheke manasi wonanko eng'ombe wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu, annaavelleella wa arive muthu moollikana ni mmo anapaallelleeye.”

Mateyu 20:15

Khonaakhullelliwa wa miyaano weera yeeyo kinapaalleemi ni makobiraaka? Apaalle onakikhallella ehache kaambiiwa miyaano kiri aphaama?’ ”

Deuteronomo 11:31

Muhanlle vakhuviru omullapuwa Yordani ni waakha ellapo eyo Apwiya Mullukwaanyu enuuvahiiwani. Mwaakha ellapweeyo ni okhallamo,

Deuteronomo 17:14

Mwavollowa ni waakha ellapo eyo Apwiya Mullukwaanyu enuuvaheewani apaalle ttuupaalla wi mukhalle ni mwene wonanko ddikhallelle mitundu ddimodda nnddo ddiwaapheelleni.

Deuteronomo 3:18

“Nave va enthawi yeeyo kahuulamulani wi Apwiya Mullukwaahu sika uuvahilleni ellapweella wi ekhalle yaanyu. Koma allopwana attheene oollipa murima ekuse ezida nave yaahoollelle aballiinyu, malloko mamodda a Israele.

Deuteronomo 32:8

Mvo Amasiva Mattheene akawenlleeye ezigawo mitundu ddimodda, mvo aamwallanihalleeye athu, ahaahiyera malire moollikana ni waata wa athu a Mulluku.

Deuteronomo 7:17

“Muhillote m'murimani mwanyu wi athu yaalla ahaata wuukhwaranyani nyuwaano nave wi khemuwora owiikariha.

Yoswa 1:6

Khalla amasiva ni oollipa murima kaambiiwa oneerewaahoollella athu attheenaalla yaawaakhellaka ellapo eyo kallupellelleemi makhollwiiwa.

Yoswa 21:43

Sika Apwiya yahaavaha Aisraele ellapo eyo alliwa yalonjezilliiwa moollupella wi eneerewaavaha makhollwiiwa nave yahaakhella yoohallaniiwa ekeraattheya mwemmo.

Yoswa 23:5

Vano Apwiya Mullukwaanyu eneerowiikariha vamiitthoni vanyu ni waakha ellapwiiwa wi ekhalle yoohallanaanyu moollikana ni mmo Apwiya Mullukwaanyu yuulonjezilliiwani.