Numeri 32:33 - Mawu a Mulluku

³³ Vano Mose ahaavaha Agadi ni Arubeni navettho hafu a nlloko na Manase mwaana a Yosefe, ellapo ya mwene Sihoni a Aamori ni ellapo ya mwene Ogi a o Bashani, ellapo ettheene ni mizinda ni mizi ddiwa.

Numeri 32:33 Iomraidhean Croise

1 Epilli 12:31

Athu a hafu a nlloko na Manase yaarivo 18,000 ayo yaawiithanilliiwa wi emuvollochihena Davide omwene.

1 Epilli 26:32

Mwene Davide aamutthoolla Yeriya ni abalaaye, attheene vamodda athu 2,700 akhoto amasiva, oohoollella mabanja wi yaawehereke Arubeni, Agadi navettho hafu a nlloko na Manase mu ddittheddene dda Mulluku ni ddaweereya dda mwene.

1 Epilli 5:18

Arubeni, Agadi ni hafu a nlloko na Manase yaakhalla ni athu amasiva akhoto ni ezishango, masupada ni miira. Attheene vamodda yaarivo 44,760 ookhozekella owana ekhoto.

Numeri 32:1

Arubeni ni Agadi yaakhalla ni eng'ombe ddinchichi. Vano yahoona ellapo ya Yazere ni ya Giliyadi wi tti yoophwanella ochihawo eng'ombe.

Numeri 32:32

Nineerollapuwa nikhozekille owana ekhoto vamiitthoni Apwiya ni ovollowa mu ellapo ya Kanani koma yoohallanaahu eneerokhalla weewuno o embali ya Yordani.”

Numeri 34:14

Nlloko na Rubeni moollikana ni mabanjiiwa ni nlloko na Gadi moollikana ni mabanjiiwa ni hafu a nlloko na Manase yahaakhella khalle wonanko yoohallaniiwa.

Numeri 34:15

Malloko meelli ni hafwaayo yahaakhella mapuro wi ekhalle wonanko yoohallaniiwa wookhuma nndduwa wa muhinje wa Yordani moowehana ni Yeriko.”

Deuteronomo 29:8

Nahaakha ellapwiiwa nave naayikawella variyari va malloko a Rubeni ni Gadi owaaka hafu a nlloko na Manase wi ekhalle wonanko yoohallaniiwa.

Yoswa 12:1

Vano alla tti mamwene ayo Aisraele yaagonjihalliiwa ewaakha ellapo ya wookhuma nndduwa wa Yordani waambeella o ntapo na Arinoni mu ntapo na Yordani, ophiya o mwaango wa Heremoni ni embali ettheene ya wookhuma nndduwa wa Araba,

Yoswa 12:6

Mose ni Aisraele yahaagonjiha attheenaayo nave Mose oorumeyella a Apwiya aavelleella ellapweeyo wa nlloko na Rubeni ni na Gadi navettho wa hafu a nlloko na Manase wi ekhalle yoohallaniiwa.

Yoswa 14:3

Mose ahaakawella malloko meelli ni hafu ezigawo ddiwa o ellapo ya wookhuma nndduwa okhopella wa Yordani wi ekhalle yoohallaniiwa koma Alevi khaawaakawelle.

Yoswa 22:4

Vano Apwiya Mullukwaanyu, aawiithuuwiha Aisraele akhwiinyu moollikana ni mmo yaalonjezelliiwa. Sika hokollweellani owaninyu o yoohallanaanyu, ellapo eyo eri vakhopella va muhinje wa Yordani, eyo Mose oorumeyella a Apwiya uuvahilleeyeni.

Yoswa 22:7

Mose aari aavahille o Bashani athu a hafu a nlloko na Manase koma athu a hafu mmodda Yoswa ahaavaha yoohallaniiwa variyari va abaliiwa vakhopella va muhinje wa Yordani woovollowa nndduwa. Yoswa aarumiheeye athwaayo owaniwa ahaadalisa,

1 Samuele 13:7

Amodda yaallapuwa muhinje wa Yordani yaphiya o echigawo ya Gadi ni ya Giliyadi. Saulo aari o Giligala wenko nave athu yaari ni olliye yaatthukumella ni woova.