Numeri 32:23 - Mawu a Mulluku

²³ Koma mwaaheera ddiiddo, mohaachimwella Apwiya nave dduwellani wi nichimo nanyu nineerewuuthwarani.

Numeri 32:23 Iomraidhean Croise

Genesis 13:13

Athu a m'muzindammo yaari oonanara ni oochimwesesa vamiitthoni va Apwiya.

Genesis 4:7

Weerilleke ddaphaama, keerohakallalla ni weyaano koma ekaamba yawi woheera ddoonanara, nichimo noowaatthamella wonanko enama yawoopiha. Ninapaalla wi nuuphare koma weyaano onapaalleya wi ogonjihe nichimonno.”

Genesis 44:16

Sika Yuda aallota wi, “Apwiya, ethiyo hiyaano ttuullota tini wa nyuwaano? Ninaaddaakihere weekhiihu mwawiidde? Apaalle ninaaddeellihe weekhiihu mwawiidde? Mulluku ohuupullulla yoolakwaahu. Vano attheenehi niri akaporwaanyu ohiri mmoddave yoolla aphwanyeyille ni kapoolla munthumbani mwaye.”

2 Samuele 3:39

Vano ollello kookhumuwa wunchichi naari kiri mwene oozoziwa.* Athu yaalla, anamwani a Zeruya, aakiramiha yaweera. Apwiya emuhokolloselle muthu aweera ddoonanara moollikana ni onanara waye.”

1 Mamwene 2:32

Apwiya eneeromullaka Yowabu kaambiiwa aawiipha ni nsupada athu eelli eechilungamo omukhwaranya olliye, attiitthaaka Davide ehidduwellaka. Athwaayo yaari Abinere mwaana a Nere oyo aari akhoto muullupalli a o Israele ni Amasa mwaana a Yetere akhoto muullupalli a o Yuda.

1 Mamwene 2:33

Sika vano nikhame nineeromorella va Yowabu ni va edduullu ddaye wa enthawi yoohimalla. Koma murendelle wa Apwiya okhalle va Davide ni edduullu ddaye ni va mpandwaaye woomwene wa enthawi yoohimalla.”

Masalimo 139:11

Kallota wi, “Epiphi ekihuruwelle, owala okaapheelle otthattuwe mahiiyu,”

Masalimo 140:11

Muhaakhullelle wi avayanoni akeraattheye mu ellapo, yoonanara emuthwareke muthu eekuku ophiyera emoonongille.

Masalimo 90:8

Moohiya machimwaahu vamiitthoni vanyu, ddoonanara ddahu ddoovittheya mooddoonihella vaweella.

Miyambo 13:21

Otulli onnamuthwara muthu oochimwa koma oolungama annathuviwa ddaphaama.

Miyambo 24:16

Vawi muthu oolungama anniikuha otthanu ni opiilli anavenya koma muthu oonanara anakhumuwa otulli wammorella.

Miyambo 5:22

Ddoonanara dda muthu ddineeromuphara yeekha nave aneeromakiwa ni mikwe dda ochimwa waye.

Yesaya 3:11

Koma otulli wa athu oonanara! Ddeko ddineerewaakatamiha vawi nnddo ekhanlliiwa eweerellaka akhwiiwa ddineerewaahokollweella.

Yesaya 59:12

“Nyu Apwiya, nohuuchimwellani wunchichi vawi machimwaahu ennanivaanyiha, ddoolakwa ddiri va hiyaano nave ninnadduwella phaama.

Yona 1:7

Vano aweetiha echombwaayo yahiiwanana ddawoombesa wi emphwanye muthu oyo eerihalle yonanareella. Woombesanko wammorenlle Yona.

Aroma 2:9

Attheene aweera ddoonanara eneerohoowa ni woona ovoreya, waambeella Ayuda owaakattho athu ayo ehiri Ayuda.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Yoswa 7:18

Ahaakhumiha allopwana attheene a nibanja na Zabidi nave Akani aaphariwa. Olliyooyo aari mwaana a Karimi, mwaana a Zabidi, mwaana a Zera, a nlloko na Yuda.