Numeri 31:8 - Mawu a Mulluku

⁸ Yaawiipha mamwene matthanu a o Midiyani, Evi, Rekemu, Zuri, Huri ni Reba. Yaamwiiphattho ni nsupada Balamu mwaana a Beori.

Numeri 31:8 Iomraidhean Croise

Masalimo 10:2

Oonanara ennaahoosa oohoowa mwawiitukhulla, yaange munthavini yareyilliiwa weekhiiwa.

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Miyambo 11:3

Oreera murima wa oolungama onnaahoollella koma okhoromana wa athu oolleka onnawoononga.

Miyambo 13:17

Murummwa oohiroromelleya annaahiya athu mu ddookatamiha koma oororomelleya annachiriha.

Habakuku 3:7

Kaawoona athu a o Kushani yoovaka, a o Midiyani etthukumellaka.

Numeri 22:10

Balamu aamwaakhulla Mulluku wi, “Balaki mwaana a Zipora, mwene a o Mowabu sika aarumihalle wi okilleelle othenga wawi,

Numeri 22:4

Sika Amowabu yahaalleella attekweene a o Midiyani wi, “Mulloko yoolla oneerotthollosa ddittheddene ddinaapheelle wonanko mmo eng'ombe ddinattholloselliiwa manasi.” Vano Balaki mwaana a Zipora oyo aari mwene a Amowabu enthawi yeeyo,

Numeri 22:5

aarumiha othenga owaniwa wa Balamu, mwaana a Beori, o Petori vakhuviru ni muhinje wa Yufurate wi awe nave amulleelle wi, “Athu oovenyera o Iguputo aaddalla ellapo ettheene nave enawehana ni hiyaano.

Numeri 23:10

Ttaani anaawore weerenga edduullu dda Yakobo, nnddo ddiri ddawaata wonanko nthupi apaalle weerenga ezigawo ddisese dda athu a Israele? Kihiyeni kikhwe okhwa wa athu oolungama, omalla waka okhalle wonanko wa yaayo.”

Numeri 24:14

Balamu aamulleella Balaki wi, “Vano kinimarowa wa athwaaka. Koma vano kinaaka kuulleelleni nnddo Aisraele enaaweerelliiwa athwaanyu mallapo enawaalla.”

Numeri 24:25

Vano Balamu aatimulla anarowa. Balaki aarowattho.

Numeri 25:15

Nave mutthiyana iiphiwoolle aari Kozibi mwaana a Zuri, oohoollella a nibanja nimodda na Amidiyani.

Numeri 25:18

Yaalla yaaweerellani ddoonanara vawuullekani o Peori navettho ekaamba ya mwaha wa murokoriwa Kozibi, mwaana a oohoollella a o Midiyani oyo iiphiwe va enthawi ya mullilli ekaamba ya nndde ddeereyille o Peori.”

Numeri 31:16

Valle atthiyana yaalla yaathwara malangizo a Balamu vawaahollosani Aisraele wi eheerettho ddoororomelleya vamiitthoni va Apwiya o Peori wulle wawi mullilli waamorella athu attheene a Apwiya.

Numeri 31:9

Nave yahaaphara atthiyana a o Midiyani ni aniiwa ekhalla akaporo. Yahaakhattho eziweto ddiwa ni eyuumiiwa ettheene.

2 Petro 2:15

Aahiya ettilla yawookowa nave aahollowa. Ekusalle ettilla eyo akusalle Balamu mwaana aamullopwana a Beori. Balamu aakonda opata makobiri vaweerani ddoonanara

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.