Numeri 30:13 - Mawu a Mulluku

¹³ Sika mamune ookhalla ni masiva awaakhullella apaalle okhoota nnddo mutthiyanooyo alonjezilleeye apaalle allupenlleeye.

Numeri 30:13 Iomraidhean Croise

Ezara 8:21

Vano o muhinje wa Ahava kaalamula wi nihalle ocha ni wiiyeviha vamiitthoni va Mullukwaahu ovekella wi anihoollelle va olendwaahu ni oniteteza hiyaano, aniihu ni katundwaahu.

Masalimo 35:13

Koma miyaano adanaaka yavoriwiiwa, kaawara eziguduli wooniha omoriwa ethakaraka. Kahiillaka voohallani ocha, kaavekella kiwaramenlle vatthi,

Yesaya 58:5

Ethiyo ohalla ocha wawi ddiiddanngu tti nko katthoonlleemi? Nyu munnawarama vatthi wonanko manasi, munnaanddellella eziguduli ni ohellavo ntuura wi mukonaatthivo. Ethiyo muneesa ohalla ocha tti wenngu, nllapo nowaahakallalliha Apwiya?

Levitiko 16:29

“Nenno nikhalle lamulo nanyu na wa enthawi yoohimalla wi mweeri waneetthanu ni piilli, va nllapo naneekhumi na mweeri, muhalleke ocha nave muhiphareke orive mutteko, nyu Aisraele navettho mulleto ookhalla variyari vanyu.

Levitiko 23:27

“Nllapo naneekhumi na mweeri waneetthanu ni piilli tti naweera mutetho woopepesella machimo. Nenna nikhalle nllapo naweera mutthukumano woopatuleya. Muhalle ocha nave muvelleelle mukutho wawoosiwa viikho wa Apwiya.

Levitiko 23:32

Va nllapo naneetthanu ni sese na mweeri, waambeella misikuwiiwa ophiyera misikuwa mamodda oothwarellella musunge nllaponno wonanko nllapo na Sabata nave muhalleke ocha.”

Numeri 29:7

“Va Nllapo na khumi na mweeri waneetthanu ni piilli yoolla mweereke mutthukumano woopatuleya, muhalleke ocha nave muhiphareke mutteko.

Numeri 30:12

Koma mamune amuwatteella mutthiyana va nllapo nno iiwalleeye ddennddo sika wi nnddo alonjezilleeye apaalle allupenlleeye khaddiphara mutteko. Mamune oomuttaphulla nave Apwiya eneeromukhululukella mutthiyanooyo.

Numeri 30:14

Koma mamune aahimuwatteella ophiyera osiisello apaalle mallapo oothwarellella, iiwalle ddennddo, mutthiyanooyo eere ddittheddene nnddo alonjezilleeye apaalle allupenlleeye. Mamune ohaakhullella ddennddo ekaamba yawi khaallotille ello va nllapo nno iiwalleeye.

1 Akorinto 11:3

Nave kinapaalla wi mwiiwesese wi Khrisitu tti muru wa arive mullopwana, mullopwana tti muru a mutthiyana nave Mulluku tti muru a Khrisitu.

1 Akorinto 11:9

Vawittho mullopwana khaaphatusiwe ekaamba ya mutthiyana koma mutthiyana aaphatusiwa ekaamba ya mullopwana.

1 Akorinto 7:5

Muhikhootaneke koma vaavove mwiiwanane wi mweere ddiiddo va enthawi yooyeva wi mwiivelleelle wa Apwiya m'mavekelloni. Nave mweeddiiddo mukhallekettho nimodda wi Satana ahiweeseni ekaamba ya ohiihiiha wanyu.