Numeri 3:6 - Mawu a Mulluku

⁶ “Oweena wuno athu a nlloko na Levi nave waavelleelle wa Aroni wi emukavihereke.

Numeri 3:6 Iomraidhean Croise

1 Epilli 15:2

Vano Davide aallota wi, “Kheyiivo enaatukhulle nibokosi na echipangano na Mulluku oyaana onipuroni koma Alevive vawi Apwiya yahaatthoolla wi etukhulle nibokosi ni wi yaarumeyelleke wa enthawi yoohimalla.”

1 Epilli 23:28

“Koma muttekwiiwa onaakhalle wookavihera edduullu dda Aroni voorumeyellani o enyumba ya Apwiya. Aneerekowehera mathato ni ezipinda, weelliha ddittheddene ddiri ddoopatuleya navettho orive mutteko orumeyella o enyumba ya Mulluku.

1 Epilli 23:32

Mwawi eneerekowehera enyumba ya Apwiya. Nave eneerekewaakavihera anamwani a Aroni, abaliiwa vawaarumeyellani mwemmo.”

1 Epilli 6:33

Alla sika yarumeyella ni edduullu ddiwa. Va nibanja na Kohati vaakhalla Hemani muthu eeruso yawiipa, mwaana a Yowele mwaana a Samuele,

2 Epilli 29:11

Anaaka, muhisellihe vawi Apwiya ahuutthoollani wi mwiimelle vamiitthoni viwa mwaarumeyelle wi mukhalle oorumeyelliiwa navettho wi muwooselle lubani.”

Ezara 6:18

Vano yahaakeraatthiha allupa mukutho ni Alevi mu milloko ddiwa wi emurumeyelleke mu enyumba o Yerusalemu moollikana ni mmo ddalembelliwiiwa mu nibukhu na Mose.

Malaki 2:4

Vano muneerodduwella wi kohuuvahani lamulo nenna wi echipanganwaaka ni allupa mukutho, edduullu dda Levi, ehilepheleye. Mi Apwiya Amasiva Mattheene koollota.

Numeri 18:21

“Kohaavaha Alevi erive yaneekhumi wi ekhalle yoohallaniiwa va nnddo Aisraele enavelleelliiwa wa miyaano ekaamba ya mutteko enawuphariiwa mu musasa wamutthukumano.

Numeri 2:17

“Vaavo sika Alevi etimulle etukhullalle musasa wamutthukumano kaambiiwa misasa dda Alevi ddinakhalla variyari va misasa ddimodda. Moollikana ni mmo yatthipellelliiwa misasa ddiwa tti mmo enaaweetellekiiwa, orive mulloko vanipuroni viwa moollikana ni embendeliiwa.

Numeri 2:33

Koma Alevi kheyaawerengiwe vamodda moollikana ni mmo Apwiya yamulamulelliiwa Mose.

Numeri 3:5

Apwiya yaamulleella Mose wi,

Deuteronomo 10:8

Enthawi yeeyo Apwiya yahaatthoolla athu a nlloko na Levi wi etukhulleke nibokosi na echipangano, ekhalleke vamiitthoni va Apwiya ni orumeyella navettho wi yaadaliseke athu mu nnddina na Apwiya. Alliwa sika eneera ddenndda ophiyera ollello.