Numeri 3:3 - Mawu a Mulluku

³ Yaalla tti allupa mukutho ootthoolliwa ayo Aroni aazozilleeye wi ekhalle allupa mukutho.

Numeri 3:3 Iomraidhean Croise

1 Epilli 23:6

Vano ahaakawa Alevi m'millokoni moollikana ni anamwani a Levi monga Geroshomo, Kohati ni Merari.

Eksodo 28:41

Ddoowara ddenndda omuwarihe mwanamunno Aroni ni anaaye. Nave waazoze, waavahe odindo ni waapatula wi ekhalle allupa mukutho.

Eksodo 40:13

Aronooyo omuwarihe ddoowara ddoopatuleya nave omuzoze ni omupatula wi ekhalle mullupa mukutho.

Eksodo 40:15

Vano waazoze wonanko mmo waazozilleewe attiitthiiwa wi ekhalle allupa mukutho. Nave waamakellettho malaamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo naka noohimalla. Mmu sika onaamuzozelleewe Aroni ni anaaye.”

Levitiko 8:12

Vano aamuzoza Aroni voohellani makhura vamuru vaye wi amweellihe.

Levitiko 8:30

Vano Mose aakusa makhura oozozellaalle ni nikhame nno naari vanikuwani, ammidda Aroni ni ddoowara ddaye navettho anaayaalle ni ddoowara ddiwa. Mmu tti mmo Mose amweellihelleeye Aroni ni ddoowara ddaye navettho anaaye ni ddoowara ddiwa.

Numeri 3:4

Koma Nadabu ni Abihu yaakhwa vamiitthoni va Apwiya mvo yavelleelliiwa munllo woohaakhullelliwa mu echipululu ya Sinai. Alliwaayo kheyaarina anamwani sika vano Eleazara ni Itamara yaarumeyella yaariiwa allupa mukutho va enthawi eyo Aroni, attiitthiiwa yaariiwa mukumi.

Aheberi 7:28

Malamulo a Mose ennaatthoolla athu oolephela wi ekhalle allupa mukutho uullupalli. Koma lonjezo na Mulluku nno neeriwe ni nllupello ni nno nawiille vatulli va malamulo ninnamutthoolla Mwanaye. Nave tti mullupa mukutho muullupalli wa enthawi yoohimalla.