Numeri 3:13 - Mawu a Mulluku

¹³ vawi anamwani attheene aallopwana awaamba tti aaka. Va nllapo nne kawiiphalleemi anamwani aallopwana attheene awaamba a Aiguputo, kahiitthoollella anamwani aallopwana attheene awaamba a Aisraele, anamwani a athu ni a enama ddene. Attheene tti aaka nave mi tti Apwiya.”

Numeri 3:13 Iomraidhean Croise

Nehemiya 10:36

Nineerowaanattho o enyumba ya Mullukwaahu, wa allupa mukutho enarumeyella wenko, mwaana aamullopwana awaamba ni asaana awaamba a eng'ombe, enkhosa ni epuri ddahu moollikana ni nnddo ddilembiwe m'malamuloni.

Eksodo 13:12

mumuvelleelleke wa Apwiya arive nankhoro awaamba. Anankhoro awaamba a eziweto ddanyu tti a Apwiya.

Eksodo 13:15

Farao ummihalle murima, aanikhootiha ovenyawo. Vano Apwiya yaamwiipha arive mwaana aamullopwana awaamba a Aiguputo attheene, athu ni a eziweto. Sika ekaamba ya yeella, arive nankhoro a enama awaamba ninnamuvelleella wa Apwiya. Koma aniihu aallopwana awaamba ninnawoopolla.’

Eksodo 13:2

“Waavelleelle anamwani aallopwana awaamba attheene wa miyaano. Variyari va Aisraele, arive mwaana aamullopwana awaamba a muthu apaalle a enama, tti aaka.”

Eksodo 22:29

“Ohisellihe ovelleella wa miyaano ddoovelleella ddoovenyera va ddinchichi dda ddoohata ddawo dda vinywaawo ni dda makhuraawo a olivi. “Waavelleellekettho wa miyaano anaawo aallopwana awaamba.

Eksodo 34:19

“Arive mwaana aamullopwana awaamba tti aaka navettho arive mwaana awaamba a eziweto ddittheddene.

Ezekiele 44:30

Ddittheddene ddaphaama ddawaamba wiithwa ni va ddoovelleella ddimodda ddikhalleke dda allupa mukutho. Mwaavaheke othwaanyu wawaambeella osilla. Mweera ddiiddo mpa mwanyu muneerokhalla madaliso.

Levitiko 27:26

“Koma vihikhalle muthu anaamuvelleelle musaana awaamba a enama. Vawi ovenyera khalle musaanooyo tti Apwiya. Naari eri eng'ombe apaalle enkhosa apaalle epuri, yeeyo tti ya Apwiya.

Numeri 18:15

“Erive yawaamba, khaya tti muthu apaalle enama nnddo enavelleelliiwa wa Apwiya, ekhalle yaanyu. Koma mwaana aamullopwana mumoopolleke navettho mwaana a enama ooripihiwa mumoopolleke.

Numeri 18:6

Kohaatthoollattho abalaawo, Alevi, variyari va Aisraele wonanko emphaso wa weyaano. Aavelleelliwa wa Apwiya wi erumeyelleke mu musasa wamutthukumano.

Numeri 3:41

Vano okikuselle Alevi munipuroni mwa anamwani attheene awaamba mwa Aisraele. Okusettho eziweto dda Alevi munipuroni mwa eziweto ddittheddene ddawaamba mwa dda Aisraele. Mi tti Apwiya.”

Numeri 33:4

Aiguputo yaari yaavitthaka aniiwa aallopwana awaamba ayo Apwiya yawiiphalliiwa variyari viwa vawi Apwiya yaallaka milluku dda Aiguputo.

Luka 2:23

Vawi moolembiwa m'malamuloni a Apwiya wi, “Arive mwaana aamullopwana, awaamba, avelleelliwe wa Apwiya.”

Aheberi 12:23

Moophiya o ehakallallello nko otthukumanne anamwani awaamba a Mulluku ayo manddiniiwa yalembiwe oddullu. Moophiya wa Mulluku aweeruza athu attheene nave wa minepa dda athu oolungama, ayo Mulluku aweerilleeye okhalla aphaama wunchichi.