Numeri 29:12 - Mawu a Mulluku

¹² “Va nllapo na 15 na mweeri waneetthanu ni piilli, mweere mutthukumano woopatuleya, muhiphareke mutteko nave mweereke ehakallallo yowaariiha Apwiya mallapo matthanu ni meelli.

Numeri 29:12 Iomraidhean Croise

1 Mamwene 12:32

Vano Yerobowamu aakeraatthiha nllapo na ehakallallo va nllapo na khumi ni sese na mweeri waneetthanu ni raru, noophwanaphwana ni nllapo na ehakallallo yeereya o Yuda. Aanavelleella mikutho wa mafano a asaanaang'ombe vanikuwani o Betele. Vano o Betelinko ahaahiyawo allupa mukutho o mapuro oollapellamo ayo aapangilleeye.

Ezara 3:4

Nave yaheera Ehakallallo ya Misasa moollikana ni mmo ddalembelliwiiwa nave yaavelleella mikutho ddooshellelliha ddoopaalleya va nllapo ni nllapo moollikana ni mmo ddalembelliwiiwa.

Nehemiya 8:14

Vano yahoonattho wi Apwiya yahaalamula Aisraele oweella mwa Mose wi ekhalleke m'misasani ddootiyerella enthawi ya Ehakallallo ya Misasa mweeri waneetthanu ni piilli,

Nehemiya 8:18

Nave nllapo ni nllapo, waambeella nllapo nawaamba ophiyera nllapo nookomihera, Ezara aaneerenga ovenyera mu nibukhu na malamulo a Mulluku. Athu yaheera ehakallallo mallapo matthanu ni meelli nave va nllapo naneetthanu ni raru vaheereya mutetho woowallella mutthukumano moollikana ni nibukhu na malamulonne.

Eksodo 23:16

“Okhallekettho ni nllapo na Ehakallallo ya Ddoohata Ddawaamba va enthawi yawaamba ohata. Okhallekettho ni nllapo na Ehakallallo Yootthukumaniha Ddoohata ddittheddene va omalla wa muyakha.

Eksodo 34:22

“Mukhalleke ni Ehakallallo ya Milungu, Ehakallallo ya Ddoohata Ddawaamba nave mukhallekettho ni Ehakallallo Yotthukumaniha Ddoohata ddittheddene va omalla wa muyakha.

Ezekiele 45:25

“Vano mwene eereke emoddamoddave yeeyo va nllapo na khumi na mweeri waneetthanu ni piilli. Ehakallallweeyo yeereyeke wa mallapo matthanu ni meelli. Avelleellekettho mikutho, ddoopepesella, ddooshellelliha, dda yoocha ni dda makhura.”

Levitiko 23:7

Va nllapo nawaamba na ehakallallo mweere mutthukumano woopatuleya nave muhiphareke mutteko.

Numeri 29:1

“Va nllapo nawaamba na mweeri waneetthanu ni piilli, mweereke mutthukumano woopatuleya nave muhiphareke mitteko. Nllapo nenna mwiipeke mapallapata.

Numeri 29:13

Nave muvelleelle mukutho wooshellelliha, wawoosiwa viikho, wa nthuko nawaaddivella Apwiya. Nave okhalleke wa anankhoro a asaanaang'ombe khumi ni raru, anankhoro a enkhosa eelli, anankhoro a asaanaankhosa khumi ni sese a muyakha mmodda, ddittheddene ddikhalle ddoohirakalla.

Numeri 29:35

“Va nllapo naneetthanu ni raru mukhalleke ni mutthukumano woopatuleya nave muhiphareke mutteko,

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.