Numeri 28:9 - Mawu a Mulluku

⁹ “Va nllapo na Sabata mwaavelleelleke anankhoro a asaanaankhosa eelli oohirakalla. Muvelleellekettho makilogaramu meelli a othu waphaama woottakanyihera ni makhura wi okhalle mukutho wa othu nave muvelleellekettho mukutho wayoowirya.

Numeri 28:9 Iomraidhean Croise

2 Mamwene 4:23

Nave mamunooyo aamukoha wi, “Kaambiiwa tini ollello munayeenyu wa olliye? Ollellothi khe nllapo na Ehakallallo ya Wooneya wa Mweeri apaalle nllapo na Sabata.” Mutthiyanooyo ahaakhulla wi, “Khaviri yookatamiha.”

2 Epilli 2:3

Vano Solomoni aarumiha mawu wa Huramu mwene a o Tiro wi, “Mukeerelle wonanko mmo mweerelleenyu ni attiitthaaka Davide vawaarumihellani miteekho ddamukunguza wi emakelle enyumbiiwa wi ekhallekemo.

2 Epilli 2:4

Kinapaalla wi kaamakelle enyumba Apwiya Mullukwaaka. Wenko moohihiyerera kineerekovelleella wa alliwa lubani* na nthuko naphaama, buledi oopatuleya ni mikutho ddooshellelliha ohinase ni misikuwa, va masabata, va mallapo a Ehakallallo ya Wooneya wa Mweeri ni mallapo mamodda aweella voothwarani malamulo a Israele wa enthawi yoohimalla.

2 Epilli 8:13

monga mikutho dda nllapo ni nllapo navettho mikutho ddimodda moollikana ni malamulo a Mose monga dda masabata, dda Ehakallallo ya Wooneya wa Mweeri, dda mallapo mararu a ehakallallo a muyakha ni muyakha, dda Ehakallallo ya Buledi Oohikhalla ni Yisiti, dda Ehakallallo ya Milungu ni dda Ehakallallo ya Misasa.

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Ezekiele 20:12

Kahaavaha nllapo na Sabata wi nikhalle echizindikiro variyari va miyaano ni alliwa wi edduwelle wi mi Apwiya kinnapatula.

Ezekiele 46:4

Mukutho wooshellelliha oyo mwene anaavelleelleeye wa Apwiya va nllapo Nasabata okhalle wa asaanaankhosa atthanu ni mmodda oohirakalla ni nankhoro a enkhosa oohirakalla.

Numeri 28:10

Olla sika mukutho wooshellelliha wa nirive nllapo na Sabata woonjerere va mikutho ddooshellelliha ni dda ddoowirya ddoovelleelliwa nllapo ni nllaponndde.

Numeri 28:8

Vano waamuvelleellaka mwaanaankhosa aneepiillooyo misikuwa oweekena ni muyezo woophwanaphwana wa othu, makhura ni vinyo wonanko ohinase. Ddennddo ddikhalle mukutho wa nthuko nookiddivella, wawoosiwa viikho wa mi Apwiya.

Yawuupullulla 1:10

Va nllapo na Apwiya kaahoollelliwa ni Munepa Waweella nave kahiiwa mawu oollotiwa moowella mutulli mwaka wonanko woopa wa nipallapata.