Numeri 28:2 - Mawu a Mulluku

² aalamule Aisraele wi, “Mooneseseke wi munnavelleella munthawini mwiwa wa miyaano ddoovelleella ddaka, yoochaaka ya mikutho ddawoosiwa viikho dda nthuko nookiddivella.

Numeri 28:2 Iomraidhean Croise

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

1 Epilli 23:31

erive enthawi mikutho ddooshellelliha ddaavelleelliwaka wa Apwiya dda masabata, dda wooneya wa mweeri navettho dda erive ehakallallo ya mallapello. Mitteko ddawaarumeyella Apwiyanndda eneeroddeera wa enthawi yoohimalla.

2 Epilli 23:18

Vano Yehoyada ahaahiyavo allupa mukutho a nlloko na Levi wi ewehereke enyumba ya Apwiya. Vawi Davide ahaakeraatthiha Alevi wi ewehereke enyumba ya Apwiya ni ovelleella mikutho ddooshellelliha moollikana ni mmo ddalembelliwiiwa m'malamuloni a Mose. Yehoyada ahaalleellattho wi ehakallalleke yiipaka machipo moollikana ni lamulo na Davide.

2 Epilli 31:3

Nave ddoovelleella dda mwene ovenyera o eyuumaaye ddaari mikutho ddooshellelliha dda ohinase dda misikuwa, dda masabata ni dda Ehakallallo ya Wooneya wa Mweeri ni dda ehakallallo ddimodda moollikana ni mmo ddalembelliwiiwa m'malamuloni a Apwiya.

Ezara 3:2

Vano aavenya Yeshuwa mwaana a Yozadaki ni allupa mukutho akhwaaye ni Zerubabele mwaana a Shealatiele ni abalaaye yaamba omakattho nikuwa na Mulluku a Aisraele wi evelleellekevo mikutho ddooshellelliha moollikana ni mmo ddilembelliwiiwa mu malamulo a Mose, muthu a Mulluku.

Ezara 3:3

Yaamakattho nikuwa vanipuroni viwa vakhalle naari yawoovaka athu yakhalla mwiillaponimmo. Nave yaavelleella mikutho ddooshellelliha wa Apwiya ohinase ni misikuwa.

Nehemiya 10:34

Hiyaano athu shisha, allupa mukutho ni Alevi nineerewoombesattho wi niphwanye mabanja ayo enaaweena ekhuni o enyumba ya Mullukwaahu mu enthawi yookeraatthihiwa orive muyakha wi ddooselliweke mikutho dda va nikuwa na Apwiya Mullukwaahu moollikana ni nnddo ddilembiwe m'malamuloni.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.

Eksodo 23:15

Okhalleke ni nllapo na Ehakallallo ya Buledi Oohikhalla ni Yisiti. Wonanko mmo kuulamulelleemi, omucheke buledi oohikhalla ni yisiti mallapo matthanu ni meelli mu mweeri wa Abibu, ekaamba yawi mweeri yooyo waavenyawo o Iguputo. Arive muthu ahiphiyeke vakhuviru ni miyaano ari mattave.

Eksodo 29:18

Nave oshellellihe enkhosa ettheeneeyo va nikuwamvo. Yooyo onaakhalle mukutho wooshellelliha woovelleella wa Apwiya, mukutho wa nthuko nawaaddivella, wawoosiwa viikho.

Ezekiele 16:19

Waakusa ddoocha kuuvahilleemi, othu waphaama, makhura ni enwi nnddo kuuchihelleemi oddivelleella wa alliwa wonanko mukutho wa nthuko naphaama. Mi Apwiya Mulluku koollota.”

Ezekiele 20:41

Kineerowaakhellani wonanko nthuko naphaama vawuukhumihani variyari va athu a mitundu ddimodda ni wuutthukumanihani ovenyera o ellapo nnddo mwapallalleyelleenyu. Vaavo kineerewooniha weella waka va nyuwaano nave mitundu ddimodda ddineerewoona.

Ezekiele 45:17

Nave mwene avelleelleke ddoopaalleya va mikutho ddooshellelliha, mikutho dda yoocha, mikutho dda ddoowirya va mallapo a Ehakallallo ya Wooneya wa Mweeri, a Sabata ni mamodda ayo Aisraele enaasungiiwa. Mwene avelleelleke ddoopaalleya va mikutho ddoopepesella, mikutho dda yoocha, mikutho ddooshellelliha ni mikutho ddeeyaattano wi ddivenyihe machimo a Aisraele.”

Levitiko 1:13

Koma muthooyo ahuwe marupo ni meto ddene. Nave mullupa mukuthooyo, ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.

Levitiko 1:17

Vatulli viwa ayitthalle variyari, nuuphello nimodda nngu, nimodda nngu koma woohivenyihavo muuphellwaayo. Nave eyishellellihe epallame ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Levitiko 1:9

Koma muthooyo ahuwe marupo ni meto ddene. Nave mullupa mukutho ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Levitiko 21:6

Ekhalle aweella vamiitthoni va miyaano Mulluku nave ehiripihe nnddina naka. Vawi ennaheraatthi mukutho woowoosiwa viikho. Yoocha ya miyaano Mullukwiiwa, ekhalleke yaweella.

Levitiko 21:8

Akhalle aweella wa nyuwaano vawi annavelleella yoocha ya Mullukwaanyu. Akhalle aweella wa nyuwaano kaambiiwa mi Apwiya ayo enuupatulani tti aweella.

Levitiko 3:11

Vano mullupa mukutho ashellellihe ddittheddenennddo vanikuwani wi okhalle mukutho wa othu wawoosiwa viikho woovelleelliwa wa Apwiya.

Malaki 1:12

Koma munnaripiha nnddina naka voollotani wi nikuwa naka khaninna mutteko voovelleellani yoocha yoonyaambuseya.

Malaki 1:7

Munnakinyaambusa voovelleellani yoocha yooripihiwa va nikuwa naka. Koma nyuwaano munakoha wi, ‘Ethiyo niniripihalle mwawiidde?’ Kinuulleellani wi mooniripiha vooneesani noohikhalla ni mutteko.

Numeri 15:24

yoochimweeyo yeereya moohikhalla mwaphudda, athu attheene yaahidduwella, sika athu attheene emuvelleelle mwaana a nankhoro a eng'ombe wi akhalle mukutho wooshellelliha wa nthuko nawaaddivella Apwiya. Evelleelle nimodda ni othu waphaama ni mukutho wayoowirya moollikana ni malamulo. Emuvelleellettho nankhoro a epuri wi akhalle mukutho woopepesella machimo.

Numeri 15:3

mwavelleelleke wa Apwiya mukutho wa eng'ombe, enkhosa apaalle epuri, wawoosiwa viikho apaalle wooshellelliha apaalle woollupella apaalle wa opaalla wanyu va enthawi ya ehakallallo ddootthoolliwa wi ddikhalle mukutho wa nthuko nawaaddivella Apwiya.

Numeri 15:7

Va mukutho wa othu amuvelleellettho vinyo ookwakhwana nilita nimodda ni hafu na mukutho wayoowirya. Ddittheddenenndda ddikhalle mukutho wa nthuko nawaaddivella Apwiya.

Numeri 28:1

Apwiya yaamulleella Mose wi

Numeri 29:39

“Ddennddo sika munaavelleelleenyu wa Apwiya va mallapo ootthoolliwa a ehakallallo, woonjerera va ddoovelleella ddanyu nnddo mullupenlleenyu apaalle va ddoovelleella dda opaalla wanyu, mikutho ddanyu ddooshellelliha, dda othu, dda yoowirya ni dda eyaattano.”

Numeri 9:13

Koma muthu aahiiripiha apaalle aahikhalla voolendoni koma akhoota ochana Ehakallallo ya Paska yooyo avenyihiwe variyari va Aisraele kaambiiwa khaawiille ni ddoovelleella ddaye wa Apwiya va enthawiiwa. Yooyo aneerollakiwa ekaamba ya nichimo naye.

Numeri 9:7

ellota wi, “Hi tti ooripihiwa ekaamba yoottannya. Kaambiiwa tini ninawatteellihiweehu owa ni ddoovelleella wa Apwiya va enthawi yoophwanellella variyari va Aisraele akhwiihu?”

2 Akorinto 2:15

Vawi hiyaano niri wonanko nthuko naphaama phaama noovelleelliwa ni Khrisitu wa Mulluku, nko onavuwihiwa variyari va ayo enaavullusiwe ni ayo ehinaavullusiwe.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.