Numeri 28:19 - Mawu a Mulluku

¹⁹ Koma muvelleelleke mukutho wawoosiwa viikho, mukutho wooshellelliha wa Apwiya. Nave okhalleke wa anankhoro a asaanaang'ombe eelli, nankhoro a enkhosa emodda ni asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Numeri 28:19 Iomraidhean Croise

2 Epilli 35:12

Nave yaapatula mikutho ddooshellelliha wi eddikawe wa athu moollikana ni mabanja a makhollo wi eddivelleelle wa Apwiya wonanko mmo ddilembelliwiiwa mu nibukhu na Mose. Nave yaheera emoddamoddave ni anankhoro eeng'ombe.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

Levitiko 22:20

Muhinavelleella erive enama yoorakalla kaambiiwa mi Apwiya ngaakhella.

Numeri 28:20

Mukutho wa othu okhalleke wa othu waphaama woottakanyihera ni makhura wookwakhwana makilogaramu mararu va erive eng'ombe. Muvelleellettho othu waphaama woottakanyihera ni makhura wookwakhwana makilogaramu meelli va arive nankhoro a enkhosa

Numeri 28:31

Muvelleelleke ddenndda ni ddoovelleella dda yoowirya woonjerera va mikutho dda nllapo ni nllapo, ddooshellelliha ni dda othu. Moonesese wi enamannddo ddihikhalle ddoorakalla.

Numeri 29:8

Nave muvelleelle mukutho wooshellelliha, wa nthuko nawaaddivella Apwiya. Nave okhalleke wa anankhoro a asaanaang'ombe eelli, nankhoro a enkhosa emodda, anankhoro a asaanaankhosa atthanu ni eelli a muyakha mmodda, ddittheddene ddikhalle ddoohirakalla.

Deuteronomo 15:21

Koma vakhalla ello yoohikhalla phaama va enameeyo monga ottutthunya, ohoona apaalle orakalla, enama yawi ddiiddweeyo muhiyivelleelle mukutho wa Apwiya.

Deuteronomo 16:2

Muvelleelleke mikutho dda Ehakallallo ya Paska wa Apwiya Mullukwaanyu. Mwiipheke enkhosa, epuri apaalle eng'ombe va nipuro namallapello nno Apwiya enaatthoolliiwa.

1 Petro 1:19

Koma mwahoopolliwa ni nikhame noowallamella na Khrisitu oyo aari wonanko mwaanaankhosa oohikhalla ni nipamba naari oohirakalla.